УИХ-ын гишүүн Ж.Батсуурь
2013.10.25

Ж.Батсуурь: Засгийн газар үүрэг даалгавраа биелүүлж чадаагүй

УИХ-ын чуулганы /2013.10.24/-ний нэгдсэн хуралдаанаар Монгол Улсын 2013 оны төсвийн тухай хуульд өөрчлөлт оруулах тухай, Нийгмийн даатгалын сангийн 2013 оны төсвийн тухай хуульд өөрчлөлт оруулах тухай, Хүний хөгжил сангийн 2013 оны төсвийн тухай хуульд өөрчлөлт оруулах тухай хуулийн төслүүдийн хоёр дахь хоёр дахь хэлэлцүүлгийг хийлээ. Хэлэлцүүлгийн үеэр гишүүд асуулт асууж хариулт авсан юм.

УИХ-ын гишүүн Ж.Батсуурь: Засгийн газар 2013 оны нийгэм эдийн засгийг хөгжүүлэх үндсэн чиглэлээ, өөрөөр хэлбэл авсан үүрэг даалгавраа биелүүлж чадаагүй. Тэгээд цэвэрхэн аргаар нэг хэсгийг нь, 20 хувийн биелэлттэй байгаа хөрөнгө оруулалтаа дийлэнхийг нь хасаад 2013 оны үндсэн чиглэлийн биелэлтүүдийн дүгнэлт, төсвийн дүгнэлт гарахад 100 хувийн биелэлттэй гээд үлдэх нь.

Төсөв тодотгож танах, зардлыг багасгах асуудал сайн зүйл биш.

Аймгуудын төсвийн эрх захирагч нар хөрөнгө оруулалтынхаа ажлыг хэр хэмжээнд биелүүлсэн бэ. Сонсож байхад аймгуудын төсвийн эрх захирагч нар хийчих байсан ч татчихсан гэж ярих юм. Үүнд Засгийн газар ямар үнэлэлт, дүгнэлт өгч байна вэ.

Төсвийн тодотгол гэдэг зайлшгүй, давагдашгүй хүчин зүйлээс шалтгаалсан зарим зүйлийг тодотгож авч үзнэ үү гэхээс ажлаа хийж чадаагүй хүмүүс өөрсдийн төлөвлөгөө нормоо, хийх ёстой ажлынхаа нэг хэсгийг нь хасуулчихаад 100 хувь ажлаа хийсэн гэж дүгнүүлэх зүйл биш.

Төсвийн байнгын хорооны дарга Ц.Даваасүрэн:

Ц.Даваасүрэн: Төсөв нь хэд дахин өссөн, он дамжин хэрэгжиж буй ажлыг Аудит, Засгийн газартай хамтраад нягталж шалган, дүгнэлт гаргах хугацаатай үүрэг өгсөн.

Төсөв тодотгох асуудал бол төсвийн тухай хууль болон төсвийн тогтвортой байдлын тухай хуулиудаараа зохицуулагддаг. Төсөв тодотгож танах, зардлыг багасгах асуудал сайн зүйл биш. Учир нь төсвийн мөнгө, хөрөнгө оруулалт компаниудын борлуулалтыг нэмэгдүүлдэг.

Хасах тусам тэдний борлуулалт, татвар төлөх хэмжээ нь буурна. Энэ нь эргээд төсөвт сөргөөр нөлөөлнө. 2014 оны төсвийн тухай хуультай холбогдуулаад Ерөнхийлөгчөөс өргөн мэдүүлсэн нэг хууль хэлэлцэгдэнэ. Тэрэн дээр орон нутагт шилжүүлэх шилжүүлэг, орон нутгийн хөгжлийн сантай холбоотой асуудал хөндөгдөнө.

Төсөв нь хэд дахин өндөр хувиар өсчихсөн, он дамжин хэрэгжиж буй ажлыг Аудит, Засгийн газартай хамтраад нягталж шалган, дүгнэлт гаргах хугацаатай үүрэг өгсөн. 2014 оны төсвийг хэлэлцэхээс өмнө 2013 оны 10 дугаар сарын 28-ны дотор УИХ-д ирүүлэхийг Ерөнхий аудитор, Ерөнхий сайд нарт УИХ-ын тогтоолоор үүрэг болгож байгаа гэлээ.