Өвлийн эхэн сар гар­сан энэ өдрүүдэд нийс­лэлийн цахилгааны асуу­­дал хурцаар та­вигд­сан хэвээр байна. Иргэдээс цахилгаан та­­сарсан гэх мэдээлэл ирсээр бай­гаа тул энэ талаар Эрчим хүч­ний сайд М.Соном­пилээс тодруул­лаа.

-Яамны зүгээс стан­цуу­дын өвөлжилтийн бэлтгэл ажлыг хан­гуулж дуусав уу?

-Өвөлжилтийн бэлтгэл ажил үндсэндээ дууссан. Эрчим хүчний нүүрсний­хээ нөөцийг ирэх оны гуравду­гаар сар хүртэл нөөцөлсөн. Өмнөх жи­лүү­дээс гурав дахин их нүүрс нөөцөлж чадлаа.

-Сүүлийн үед ца­хил­гаан тасалдлаа. Цахил­гааны хязгаарлалт хийж байгаа нь хүндрэл учруулж байна гээд бай­гаа?

-Цахилгаан тасалд­сан гэх мэдээлэл гарч байна. Газар хөлдөх, гэ­сэх үед олон жил болсон кабелиуд тасрах зэ­рэг цахилгааны гэмтэл ихээр гардаг. Харин -20 хэмийн хүйтэнд хөлдчихдөг тул цахил­гааны асуудал гар­даггүй. Түүнээс эрчим хүч­ний нөөц дутагдсанаас болж цахилгаан хязгаар­лаж буй асуудлууд байх­гүй. Цахил­гааны гэмтэл гарсан газруу­дад шуур­хай баг явуулан гэмтлийг засч байна.

-Өвлийн хүйтнээр ца­хилгаан тасалдах асуу­дал гарах юм биш биз дээ. Сүүлийн үед цахилгаанаар гэрээ ха­лаадаг айлууд их бол­сон?

-Өвөл цахилгаан та­сал­дах асуудал гарахгүй гэдгийг албан ёсоор хэл­чихье. Өмнөх жилүүдтэй харьцуулж бай­гаад ца­хилгааны нөөцийг 50-90 мвт-аар нөөцөлж байгаа. Цахилгааны оргил цагууд болох 17-22 ца­гийн хооронд цахилгаа­ны ачаа­лал нэмэгд­дэг. Тиймээс цахилгаан хомс­дох асуудал гарч магад­гүй тул иргэдийг аль бо­лох цахилгаан бага хэрэг­лэхийг уриалж байгаа юм.

-Харин дулааны асуу­дал ямар байгаа вэ. Зарим газруудад дулаан өгөхгүй гэсэн мэдээлэл гарсан байна лээ?

-Дулааны II, III, IV стан­цууд өөрсдийн суури­лагд­сан хэм­жээнд дулаа­наа өгч байгаа. Дулааны шугамд холбогдсон айлуу­дын дулаан хэвийн хэмжээндээ очно гэсэн үг. Сүүлийн үед дулаан өгөх­гүй байна гэсэн хэл ам гараад байгаа юм. Энэ нь болол­цоогүй газ­руудад дулаан олгохгүй байгаа.

-Бололцоогүй гэдэг нь ямар учиртай юм бэ?

-Баянзүрх дүүрэг, Зай­сан орчимд дулаан нэмж олгох бололцоогүй байна. Тиймээс эдгээр газруудын айлуудад ду­лааныг нь өгөөгүй байгаа. Нэг талаасаа зөвшөө­рөл­гүй баригдсан барил­гуудад дулаан өгөөгүй гэсэн үг.