МАН-ын дарга М.Энх­болд, УИХ дахь МАН-ын бүлгийн дарга С.Бямбацогт нар намрын чуулганы ху­ралдаанд хийсэн ажлаа та­нилцуулж, нийгэм эдийн засаг, өнөөгийн нөх­цөл байд­лын талаар танил­цууллаа.

Өнгөрөгч намрын чуул­ганаар нийт 30 хуулийн төсөл хэлэлцэн батлах ёстой байсан боловч 19-ийг нь баталж чадаагүй. Үүнээс УИХ дахь МАН-ын бүлгийн гишүүдээс 22 хуулийн төсөл өргөн барьсан бөгөөд гурван хуулийн төслийг баталжээ. Энэ үеэр МАН-ын бүлгийн дарга С.Бямбацогт өргөн барьсан хуулийн төслүүд дотор Хөгжлийн бодлого төлөвлөлтийг боловсронгуй болгох, төрийн хүнд суртал, чирэгдлийг багасгах, ЖДҮ-ийг дэмжих, татварын хөн­гөлөлт, чөлөөлөлт, ца­лин, тэтгэврийн нэмэгдэл, оюутан болон олон хүүхэдтэй эх­чүүдэд дэмжлэг үзүүлэх зэ­рэг нийгмийн тулгамдсан асуудлыг тусгасан хуулийн төслүүд байсныг онцолж байсан юм.
Мөн УИХ-аас Засгийн газарт 23 асуулга тавьсны 13 нь МАН-ынх байсан бөгөөд үүнийхээ тавд нь хариулт авч, үлдсэн асуулгад ха­риулт авалгүй 65-299 хоног болсон байна.

Өнгөрсөн хугацаанд УИХ, Засгийн газраас цөөнхийн бүлэгт ялгавартай хандаж, МАН-ын бүлгийн гишүүдийн санаачилсан хуу­лийн төслүүдийг хэ­лэл­цэхгүй, тавьсан асуулгад хариу өгөхгүй байсан гэд­гийг бүлгийн дарга мөн хэлж байлаа.

Түүнчлэн МАН-ын зүгээс Засгийн газрыг дэмжиж ажилласан гэдгээ хэлж байв. Тухайлбал Засгийн газраас УИХ-д 12 хуулийн төсөл өргөн барьсныг дэмжиж батлуулжээ.

Тодруулбал “Оюутолгой” ХХК-д гурван тэрбум ам.дол­ларын хөнгөлөлт үзүүлэх байсныг болиулж, 100 мянган тонн улаан буудайг НӨАТ, Гаалийн тат­вараас чөлөөлөх, Засгийн газрын саналыг дэмжиж 20 мянган тонн үрийн буудай оруулж ирэх асуудлыг нэмж оруулжээ.

Мөн он дамжсан төсөвт өртгийг Засгийн газар 740 тэрбум төгрөгөөр нэмэг­дүүлснийг МАН-ын бүлэг зог­соож, 243 барилгыг Үндэс­ний аудитын газраар шалгуулахаар болж, улсын төсвийн өрийн хэмжээг ДНБ-ий 60 хувь болгох бодлогыг таслан зогсоох зэр­гээр ажилласан гэв.