Дөрвөн жил тутамд зохиогдохдоо дэлхий нийтийг донсолгон шуугиулдаг хамгийн олон үзэгчтэй тэмцээн болох хөлбөмбөгийн ДАШТ маргааш эхлэх гэж байна.

Манай улс төр, урлаг, спортын алдартнууд аль багийг дэмжин, ДАШТ-ий нээлтийг хаана үзэх талаар тодрууллаа. |

Мэдээллийн технологи, шуудан, харилцаа, холбооны газрын дарга Ц.Жадамбаа

Өмнө нь хагас шигшээд тунасан багуудаас сонгон дэмждэг байсан бол энэ удаад Испанийн шигшээ багийг эхнээс нь дэмжих бодолтой байгаа аж. УИХ-ын дарга, Ерөнхий сайдтай хамт үзэхээр тохиролцсон боловч одоогоор үзэх газраа шийдээгүй байгаа байна.

УИХ-ын гишүүн, Шадар сайд Д.Тэрбишдагва

Түүний хувьд оюутан байхаасаа эхлэн Германы шигшээ багийг хөгжөөн дэмждэг байсан бөгөөд ДАШТ-д түрүүлж алтан цомын эзэн болно гэж найдаж байгаа нам байна. Тэрээр Германы шигшээ багийг дэмждэг фанатууд, найз нөхдийнхөө хамтаар ДАШТ-ийг үзэх юм байна.