Өнөөдөр орон даяар хичээлийн шинэ жил эхэлж байна. Шинэхэн бүхнээрээ гоёод, зуны зугаатай өдрүүдийнхээ талаар ярилцах гэж, зуны турш санаж, үгүйлсэн ан­гийн найзуудтайгаа уулзах гэж яарч, догдолсоор есдүгээр сарын 1-тэй золголоо.

Энэ л өдрүүдэд зорилтот бүлгийн гэх тодотголтой хүүхэд, багачууд эцэг, эхийнхээ гараас хөтлөөд, цэцгийн баглаа гартаа атган, нүүр дүүрэн инээм­сэглэл тодруулан алхах үе тэн­гийнхнийгээ хараад битүүхэн гу­нигт автдаг. 

Учир нь тэд ч гэсэн бус­дын адилаар есдүгээр сарын 1-нд сургууль, цэцэрлэг рүүгээ яарч, догдлон алхахыг хүсч буй. Тэгвэл Монгол Улсын хүүхэд гэр бүл, хөгжлийн “Өнөр бүл” тө­вийнхөн эмзэг бүлгийн, хагас, бү­тэн өнчин, эцэг, эх нь сэтгэцийн эм­гэгтэй, хуулиар эрхээ хасуулсан гэх мэт тү­мэн шалтгаанаар сур­гууль, цэцэр­лэгт хамрагдаж ча­­дах­гүй бай­гаа хүүхдүүдэд бо­ломж, олгож, тэ­дэнд эцэг, эхийг нь орлосоор эдү­гээ 30 гаруй жи­лийн нүүрийг үз­жээ. 

“Өнөр бүл” тө­вийн хичээлийн шинэ жилийн нээлт өчигдөр болж өнгөрлөө

Өнгөрсөн хуга­­цаанд олон зуун хүүхдэд аз жар­гал, хайр энэ­рэл, гэрэлт ирээ­дүй бэлэглэсэн  “Өнөр бүл” тө­вийн хичээлийн шинэ жилийн нээлт өчигдөр болж өнгөрлөө. Тус төвийн нээлтэд ХАХНХ-ын сайд С.Эрдэнэ, ХТҮТ-ийн дарга И.На­рантуяа, Монгол Ул­сын хүү­хэд гэр бүл, хөгжлийн тө­вийн за­­хи­рал Б.Бурмаа, Баянгол дүүр­гийн Засаг дарга Д.Оросоо нарын албаны хүмүүс оролцож, хүүхэд, багачуудад сурлагын амжилт хүс­сэн юм. 

Тус төвийн хичээлийн ши­нэ жилийг нээж ХАХНХ-ын сайд С.Эрдэнэ үг хэлсэн бө­гөөд тэрбээр “Хүн бүхэн сурч, бо­ловс­рох тэгш эрхтэй.

Үүний нэ­гэн адилаар “Өнөр бүл” төвд хүмүү­жиж байгаа багачууд маань ч ял­гаагүй маргааш сургууль, цэцэр­лэг­тээ явна. ХАХНХЯ-ны зүгээс та­ван багц асуудалд анхаарлаа хан­дуулж ажиллах юм. Дээрх та­ван багц асуудлаас хүүхэд хам­гийн чухал нь. 

Гэр бүл болоод хувь хүн, улс орны хувьд хүүхэд хам­гийн чухал, нэн тэргүүний асуудал байх ёстой. Бидний хойч, ирээдүй болсон хүүхдүүдийнхээ эсэн, мэнд амьдрах, сурч, хөгжих, нийг­мийн амьдралд оролцох эр­хийг хангах, хүнлэг энэрэнгүй, бү­тээлч, оюунлаг, амьдрах ухаан­тай, зөв монгол хүн болгон төлөвшүү­лэ­хийн төлөө эрдэм мэдлэг, оюун ухаан, сэтгэл зүрхээ зориулж ажил­лах болно” гэв.

Үүний дараа нээл­тийн хөтөлбөр эхэлж, тус тө­вийн багачууд хүрэлцэн ирсэн зо­чид, төлөөлөгчиддөө сурсан, мэд­сэ­нээ толилуулсан юм

 Үүний дараа нээл­тийн хөтөлбөр эхэлж, тус тө­вийн багачууд хүрэлцэн ирсэн зо­чид, төлөөлөгчиддөө сурсан, мэд­сэ­нээ толилуулсан юм. Тухайлбал, хөв­гүүдийн үндэсний найрал хөгж­мийн хамтлаг ардын урлагийг ор­чин үеийн жанртай хослуулснаа үзүүлсэн нь ирсэн зочдоос өндөр үнэлгээ авсан.

Түүнчлэн “Гэрэлт ирээдүй” хамтлагийн охид “Хоёр нар”-ыг дуулж, охидын бүжгийн хамтлаг бий биелгээг чадварлаг биелсэн нь тус төвийн багш нарын хичээл, зүтгэлийн илэрхийлэл гэл­тэй. Харин нэгдүгээр ангид элсч буй зургаан настнууд хичээлийн ши­нэ жилийн хонх цохисноор ал­бан ёсны үйл ажиллагаа өндөр­лөлөө.

Үүний дараа ХАХНХ-ын сайд С.Эрдэнэ тус төвийн хүүхэд, багачуудад сурлагын амжилт хүсч, гарын бэлгээ гардуулсан юм.