Отгонтэнгэр хайрхан Богд Очирваань уулаараа овоглосон завханчууд дэл­хийн түүхэнд дахин дав­тагдашгүй үйл явдлыг мөнхөллөө. Тус аймгийн 24 суманд өсвөрийн 9999 шатарчин нэгэн дор цуг­ларч таван өдрийн турш ур ухаанаараа өрсөлд­сөн өсвөрийн шатарчдын шилд­гийн шилдгүүд өнгөрсөн өдрүүдэд Улиастайд чуулав.

Завхан аймгийн 24 сумын 34 сургуулийн 15 мянган хүүхдээс 1246 хүүхэд оюуны спортын хаан шатраар өрсөлдсөн юм. Хүүхэд залуусын авьяас билгийг хөгжүүлж, шатрын спортыг түгээн дэлгэрүүлэх, дэлхийн түвшинд үнэ­лэгдэх их мастеруудыг тө­рүүлэх зорилгоор энэхүү тэмцээнийг УИХ-ын ги­шүүн, Хөдөлмөрийн сайд Я.Санжмятав санаачлан зо­хион байгуулсан.

Хөдөлмөрийн сайд Зав­хан аймгийн Засаг дарга байхдаа гурван тулгуурт бодлого санаачилж түү­­­нийхээ хү­рээнд 6666 хүүх­дийг компьютертэй бол­гож 999 морин хуурчийг Отгонтэнгэр хайр­ханы хормойд залж бай­сан түүх­тэй. 

Харин энэ удаа гурван тулгуурт бод­логын­хоо тайланг тавьж дэлхийн хэмжээний түү­хийг бичиж геннисийн ам­жилтыг эвдсэн “Өсвөрийн Монгол шатарчид-9999” тэм­цээнд УИХ-ын ги­шүүн, Хөдөлмөрийн сайд Я.Санжмятав болон Дэл­хийн шатрын холбооны ерөнхий­лөгч Кирсан Юлим­жинов, шатрын хол­боо­ны ОУ-ын хэмжээний мас­терууд, Завхан аймгийн Засаг даргын тамгын газрын холбогдох албаныхан хү­рэлцэн ирсэн юм. 

Энэ үеэр Дэлхийн шат­рын холбооны ерөнхийлөгч Кирсан Юлимжинов ““Дэл­хийн шатрын холбоонд 181 орон гишүүнээр элссэн. Миний хувьд жил бүр 100 гаруй орноор явж ажилладаг ч Монголд болж байгаа шиг гайхалтай арга хэмжээг үзэж байсангүй.

Шигшээ тоглолтод оролцсон 1240 хүүхдээс шилдэг 300 хүүхдийг шалгаруулсан юм.

Завхан аймагт 10 мянга гаруй шатарчин нэгэн зэрэг тоглосон нь аймгаа зөвхөн Монголынхоо хэмжээнд биш, олон улсад сурталчилж байгаа хэрэг юм. Агуу их Чингис хааны захиасыг биелүүлэхэд Монголын өсвөрийн шатар­чид маш чухал гавьяа байгуулж байна. 

Энэхүү “Өсвөрийн Мон­гол шатарчид-9999” тэм­­­цээнийг олон улсын шат­рын холбоо албан ёсны хөтөл­бөртөө оруулж байгааг хэлэхэд таатай байна. Мөн манай холбооноос Монгол Улсад Шатрын академи байгуулна. Цаашид шатрын спортоор тууштай хичээл­лэж амжилтад хүрсэн хүүх­дүүдээс жилд тавыг нь Москвад үнэ төлбөргүй сургана. Монгол хүүхдүүдийг дэмжих шатрын спортыг хөгжүүлэхэд хувь нэмэр оруулах зорилгоор ирэх жил дээд хэмжээний шатрын тэм­цээнийг Монголд зохион байгуулах төлөвлөгөөтэй байна” гэв.

Харин шилдгийн шилдэг 100 хүүхэд гадаадад аялах эрхийн бичиг, 100 хүүхэд Найрамдал зусланд амрах эрх, 100 хүүхэд орон нут­гийн амралтад амрах эрхээр шагнуулсан.

Тус тэм­цээ­ний үеэр УИХ-ын ги­шүүн, Хөдөлмөрийн сайд Я.Санжмятав “Очирваань хайрханаараа овоглосон Завхан нутагт шилдэг ша­тарчин хүүхдүүдийн тог­лолт амжилттай болж өндөр­лөлөө. Миний санаачилсан гурван тулгуурт бодлого хэ­рэгжээд зургаан жил бол­жээ. Бодлогын хүрээнд 666 хүүхдийг компьютертэй болгосон. 

Мөн 999 морин хуурч Отгонтэнгэр хайрханы бэлд хуурдсан, төв талбай, наад­мын талбайд тоглосон. Харин одоо гурав дахь тул­гуур бодлогынхоо тайланг тавьж байна. Энэ удаад анх удаа 9999 шатарчин нэгэн зэрэг тоглолт хийлээ.

Олон Улсын шатрын холбооны ерөнхийлөгч Кирсан Илюмжинов бяцхан шатарчинтай шатар өрлөө.

Бид энэхүү түүхэн гавьяаг хамтдаа хийж чадлаа. Энэ их нүсэр арга хэмжээг завханчууд бид хийж чад­лаа. Маш олон хүний хүч хөдөлмөр шингэсэн хэмжээ зөвхөн аймгийн төдийгүй улсдаа, дэлхий дахинд анх­дагч болж чадлаа” гэж онцоллоо.

Ингээд тэмцээнд ам­жилт гаргасан бяцхан хүүх­­­дүүдийн сэтгэгдлийг сонссон юм. Тодруулбал 5-7 насны ангилалд мөнгөн медаль хүртсэн Б.Нямхүү “Шатар зааж сургасан багш, аавдаа баярлалаа. Би тав тоглоод дөрөв хожсон. Шагнал авсандаа үнэхээр их баяртай байна” гэсэн бол 16-18 насны ангилалд алтан медаль хүртсэн У.Баасандаш хэлэхдээ “Манай өвөө спортын мастер. Өвөө маань шатар зааж өгсөн. 

Түүхэнд тэмдэглэгдсэн энэхүү тэмцээнд оролцож алтан медаль хүртсэндээ баяр­тай байна. Бидэнд ийм сайхан боломж олго­сон Хөдөлмөрийн сайд Я.Санжмятавт талархаж байна. Цаашид олон тэмцээнд оролцож амжилт гар­га­­хыг хүсч байна” гэсэн юм. 

Ийнхүү сүүлийн өд­рүүдэд завханчууд оюуны спортын хаан гэгддэг шатрын тэмцээнд оролцож буй хүүхэд багачуудын мэр­гэн нүүдэл, амжилтыг бахдан ярилцаж өрнүүллээ. Тус аймгийн 24 суманд энэ сарын 20-ноос эхэлсэн “Өсвөрийн Монгол шатар­чид-9999” тэмцээн өчигдөр хаалтаа хийж, шигшээ тоглолтод оролцсон 1240 хүүхдээс шилдэг 300 хүүхдийг шалгаруулсан юм.

Тэдгээр хүүхдүүдээс таван насны ангиллаар шилдгийн шилдэг 30 хүүхдийг байр эзлүүлэн алт, мөнгө, хүрэл медаль төдийгүй зохион байгуулагчдын нэрэмжит шагнал гардуулж өглөө. 

Тодруулбал таваас долоон насанд Тэс сумын сурагч Б.Намуундарь, Жавхлант цогцолбор сургуулийн сурагч Б.Билгүүнтулга, наймаас есөн насанд Идэр сумын сурагч Ц.Сайхантөр, Баянтэс сумын сурагч С.Батбилэг, 10-12 насанд Тосонцэнгэл сумын хоёр­дугаар сургуулийн сурагч Б.Одонтуяа, Түдэвтэй сумын сурагч Х.Билгүүнлхагва, 13-15 насанд Баянхайрхан сумын сурагч Б.Сугар-Эрдэнэ, Чандмант-Эрдэнэ сумын сурагч Ү.Саранхүү нар шалгарав. Харин 16-18 насны ангилалд Нөмрөг сумын сурагч А.Хандмаа, Б.Уламбаяр нар тус тус аваргалсан юм. 

Дашрамд дуулгахад Завхан аймгийг алдар­шуулж, 9999 хүүхдийг оролцуулсан шатрын тэмцээн зохион байгуулсан УИХ-ын гишүүн, Хөдөлмөрийн сайд Я.Санжмятав болон Олон Улсын шатрын холбооны ерөнхийлөгч Кирсан Илюм­жинов нарт мөнгөн тоног­той хурдан морь бэлэг болгон өгснөөр энэ удаагийн арга хэмжээ өндөрлөлөө.