Дүүргийн Иргэдийн Төлөөлөгчдийн Хурлын Тэргүүлэгчдийн 14 дүгээр  хуралдаан 2014 оны 10 дугаар сарын 16-ны өдөр хуралдаж, 7 асуудал хэлэлцлээ.

Тус хуралдаанаар Дүүргийн ИТХ-ын тэргүүлэгчдийн 2013.10.10-ны 133 дугаар тогтоолоор баталсан “Эрүүл мэндийн урьдчилан сэргийлэх сургалт, оношлогоо, эмчилгээ, арга зүйн зохицуулах зөвлөлийг байгуулах, ажиллах журам”-ын хэрэгжилтийн тухай зөвлөлийн нарийн бичгийн дарга Б.Энхмаа, “Гадаадад томилолтоор ажиллуулах тухай”, Сүхбаатар дүүргийн “Залуучуудын холбоо”-г шинээр зохион байгуулах тухай,

ДИТХ-ын даргын нэрэмжит шатрын тэмцээний удирдамж батлах тухай асуудлыг Хурлын дарга Б.Ган-Эрдэнэ, Төрийн цол, одон медалиар шагнуулахаар дэмжиж уламжлах тухай Засаг даргын саналыг ЗДТГ-ын Гадаад харилцаа, шагнал хариуцсан мэргэжилтэн Ю.Энхтуяа нар танилцуулж тэргүүлэгчдийн хуралдаанаар хэлэлцэн баталж холбогдох тогтоол шийдвэрүүдийг гаргасан байна.

Мөн дүүргийн 17, 18 дугаар хорооны Засаг дарга нарын үйл ажиллагааны мэдээлэлтэй танилцсан байна.