А.Бакей гишүүн 13 настай бүргэдчин охиныг хүлээн авч уулзлаа
УИХ-ын гишүүн А.Бакей
2014.12.18

А.Бакей гишүүн 13 настай бүргэдчин охиныг хүлээн авч уулзлаа

УИХ-ын гишүүн А.Бакей өчигдөр Олон улсын шувуучдын наадамд оролцоод ирсэн Ы.Нургайв, С.Бауыржан, Н.Айшолпан нарыг хүлээн авч уулзлаа.

УИХ-ын гишүүн А.Бакей Монгол Улсаа төлөөлөн олон улсын арга хэмжээнд оролцсон бүргэдчдэд баяр хүргэв.  

Түүнчлэн 13 настай бүргэдчин охин Н.Айшолпанд үндэсний соёл уламжлалаа дэлхий дахинаа сурталчилж байгаад нь талархал илэрхийлсэн юм.

 Мөн УИХ-ын гишүүн Ц.Оюунгэрэл Олон улсын шувуучдын наадамд оролцсон багийнханд баяр хүргээд, Н.Айшолпаныг цаашид дэмжихээ хэлэв.

Арабын Нэгдсэн Эмират улсад энэ сарын 7-13-ны хооронд болсон Олон улсын шувуучдын наадамд 77 орны төлөөлөл оролцсон.

Тус арга хэмжээнд Монгол Улсаас 15 хүнтэй баг оролцон, олон орны шувуучидтай уулзаж, туршлага солилцсон байна хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.