“Монголын Цахилгаан Холбоо” ТӨХК нь Монгол улсын хэмжээнд 150 сумыг интернэтжүүлэх төслийг хэрэгжүүлж эхлээд байгаагийн нэг хэсэг нь Баянхонгор аймагт үргэлжилж байна.

Тус аймгийн Баацагаан, Баянцагаан, Баян-Өндөр, Шинэжинст, Жаргалант, Заг, Гурванбулаг, Баянбулаг гэсэн найман сум интернэтэд холбогджээ. Эдгээр сумдаас Баацагаан, Баянцагаан, Баян-Өндөр, Шинэжинст сумдын төрийн байгууллагууд /ЗДТГ, Сургууль, Эмнэлэг, Соёлын төв, Цэцэрлэг, Цагдаагийн хэлтэс/ эхний ээлжинд өндөр хурдны шилэн кабелийн интернэтэд бүрэн холбогдсон аж. Мөн тус аймгийн Жаргалант, Заг, Гурванбулаг, Баянбулаг сумдад WiFi төхөөрөмж 3 ширхэгийг суурилуулж, сумдын айл өрхүүдийг бүхэлд нь утасгүй интернэтээр хангаж буй юм байна.