БОНХАЖ-ын сайд Д.Оюунхорол Дэлхийн усны форумд оролцож байна
БНСУ-ын Кёнжу, Тэгv хотод болж буй Дэлхийн усны долоо дахь удаагийн форум
2015.04.15

БОНХАЖ-ын сайд Д.Оюунхорол Дэлхийн усны форумд оролцож байна

БОНХАЖ-ын сайд Д.Оюунхорол БНСУ-ын Кёнжу, Тэгv хотод болж буй Дэлхийн усны долоо дахь удаагийн форумд оролцож байна. Тэрбээр форумын эхний өдөр Сайд нарын дээд хэмжээний уулзалтад оролцов.

Нийт 170 улс орны төлөөлөгчид оролцсон Дэлхийн усны форумын Сайд нарын дээд хэмжээний уулзалтаас “цэнхэр алт” болсон усаа хайрлан хамгаалах, зvй зохистой ашиглах талаах улс орнууд нийтээрээ дагаж мөрдөх Тунхаглал гаргалаа. Форумын эхний өдөр БОНХАЖ-ын сайд Д.Оюунхорол Даян дэлхийн ногоон өсөлтийн байгууллагын ерөнхий захирал Иво Де Боертой уулзсан бөгөөд уулзалтын эхэнд сайд Д.Оюунхорол ногоон хөгжлийг Монголд таниулан сурталчлах, хөхvvлэн дэмжихэд чиглэсэн зорилтот хөтөлбөр, vйл ажиллагаанд хамтран ажиллаж байгаад талархал илэрхийлэв.

Мөн ногоон хөгжлийн чиглэлээр жишиг зураг төсөл боловсруулж баталгаажуулах, цаашлаад ногоон цэцэрлэгийн барилга барьж, загвар болгох, цэцэрлэгийн vйл ажиллагааг нь ногоон болгоход дэмжлэг vзvvлж бодит ажил хэрэг болгоход дэмжлэг vзvvлэхийг хvслээ. Тvvнчлэн ногоон хөгжил, ногоон vйлдвэрлэл, ногоон эдийн засаг, татвар, зээл болон ногоон хөгжлийн мэдлэг мэдээллийг тvгээн дэлгэрvvлэх чиглэлээр олон нийт, орон нутагт сургалт зохион байгуулахад хамтран ажиллахыг хvссэн юм. Даян дэлхийн ногоон өсөлтийн байгууллагын Зөвлөлөөс Монгол Улсад 2015-2016 онд хэрэгжvvлэх хөтөлбөрийн санхvvжилтийг 900,000 ам.долларын өртөгтэйгээр баталсан бөгөөд усны мэдээллийн сан бvрдvvлэх, эрчим хvч, усны менежмент, газар ашиглалт, хот төлөвлөлтийн хvрээнд боловсруулжээ.

Энэ чиглэлээр БОНХАЖЯ-тай хамтран ногоон хөгжлийн бодлогыг хэрэгжvvлэх vйл ажиллагааны төлөвлөгөө боловсруулахад дэмжлэг vзvvлэх, ялангуяа эрчим хvч, барилга, усны салбарт хэрэгжих арга хэмжээг төлөвлөх, байгаль орчинд ээлтэй, эрчим хvчний хэмнэлттэй, дулааны алдагдал багатай ногоон цэцэрлэгийн зураг төсөв боловсруулах, Усны нөөцийн менежментийг боловсронгуй болгох чиглэлээр Улсын усны мэдээллийн санг бvрдvvлэх, мэдээллийн сангийн дизайныг боловсронгуй болгох зэрэг ажлыг хийх аж. 

Даян дэлхийн ногоон өсөлтийн байгууллагын ерөнхий захирал Иво Де Боер Монголын ногоон хөгжлийн бодлогыг дэмжиж буйгаа илэрхийлж, хамтран ажиллахаа илэрхийлэв. 
Мөн ирэх долдугаар сард Балид тус байгууллагын Дээд хэмжээний уулзалт болох бөгөөд уг уулзалтад оролцох ассамблейн даргын урилгыг Монгол Улсын Ерөнхийлөгч Ц.Элбэгдоржид уламжлахыг БОНХАЖ-ын сайдаас хvслээ.

БОНХАЖ-ын сайдыг дагалдан Дэлхийн усны форумд БОНХАЖЯ-ны ГЗББУНБЗГ-ын дарга Г.Мөнх-Эрдэм, Гадаад харилцааны хэлтсийн дарга Б.Ерөөлт тэргvvтэй төлөөлөгчид оролцож байна.