Харин үлдэх өдрүүдэд Монгол Улсын сайд, гавьяат эдийн засагч М.Энхсайханы “нууцаар” үзэглэх гэж байсан гэрээ Монгол Улсад ашигтай юу, үгүй юу гэдэгт тэд хариулт өгөх учиртай.

Тиймээс иргэний нийгмийн байгууллага болоод хувь улстөрчдийн зүгээс УИХ-ын шийдвэрт нөлөөлөх гэсэн оролдлогыг улам эрчимтэй өрнүүлэх болов. Энэ дундаас зөвхөн иргэдийн эзэмшиж байгаа “Эрдэнэс Тавантолгой” компанийн 1072 ширхэг хувьцааны хувь заяаг улстөрч, эдийн засагчид хэрхэн “харж” буйг онцоллоо. Маш товчхондоо бидний эзэмшилд байгаа 1072 ширхэг хувьцааны талаар хэн, юу хэлэв...

Санхүүгийн зохицуулах хорооны гишүүн Д.Ганбаяр: Хувьцаа эзэмшигчийг эрх хэмжээний хэлцэлд оролцуулах хуультай Засгийн газрын 2012 оны 181 дүгээр  тогтоолоор “Эрдэнэс Тавантолгой” компани 15 тэрбум ширхэг хувьцаатай байна гэж зарласан. Түүний 2.1 тэр- бум ширхэг хувьцааг 2.1 сая иргэдийн нэр дээр бүртгэсэн. Мөн 550 гаруй аж ахуйн нэгж 8497 мянган хувьцааг эзэмшиж байгаа. Нийт хувьцааны 15 хувь нь хувьцаа эзэмшигчдийн нэр дээр бий гэсэн үг.

Тэгвэл өчигдөр “Эрдэнэс Тавантолгой” компани хувьцаа эзэмшигчдийн хурал зарласан. Гэтэл 2.1 сая иргэд саналын эрхгүй гэдэг үндэслэлээр хуралд оролцохгүй болж байна. Үндсэн хуулийн 5.2 5.3 дугаар зүйлд зааснаар хувьцаа эзэмшигчийг эрх хэмжээний хэлцэлд оруулах ёстой. Тиймээс 2.1 сая иргэн бүгд оролцох боломжгүй нөхцөлд төлөөллийн байгууллагыг хуралд оролцуулах ёстой.