Хан Уул Дүүрэгт 160 айлын орон сууц баригдахаар боллоо
2015.06.05

Хан Уул Дүүрэгт 160 айлын орон сууц баригдахаар боллоо

Хан -Уул Дүүргийн “Нэхмэлийн шар”-ын байруудыг НИТХ-аас батласан “Ашиглалтын шаардлага хангахгүй нийтийн зориулалттай орон сууцны барилгыг дахин төлөвлөн барилгажуулах журам”-ын 6, 7 дугаар заалтын дагуу дахин төлөвлөж, барилгажуулахаар болсон.

Энэхүү ажлын хүрээнд “Нутгийн буян групп” ХХК 3 дугаар хорооны 15, 19-р байрны 0,56 га талбарт 416 айлын орон сууц, 150 хүүхдийн цэцэрлэг болон үйлчилгээний оффисын барилга байгууламжийг барихаар төлөвлөсөн бөгөөд эхний ээлжийн 160 айлын орон сууцны барилгын шав тавих ёслолын үйл ажиллагаа боллоо. Энэ арга хэмжээнд ИТХ-ын дарга Д.Батбилэг, Засаг дарга Ж.Ганхуяг, НЕТГ-ын орлогч дарга Э.Анар зэрэг албаны бусад хүмүүс оролцлоо.