УИХ-ын гишүүн С.Одонтуяагийн улстөрчдийг гадаадад данстай байх асуудлыг хуулиар хориглох тухай “Таныг Монголоосоо дайжихгүй гэдэгт итгэхийг хүсч байна” гэсэн өгүүлэл “Өдрийн сонин”-д нийтлэгдсэн юм.

Цаг үеийн чухал асуудлыг хөндсөн Түүний энэхүү өгүүллээс ОНЦЛОХ ЭШЛЭЛийг нь түүвэрлэн хүргэж байна. 

С.ОДОНТУЯА:

• Дарга нь өөрийнх нь төлөө амиа өгнө гэдэгт эргэлздэггүй цэрэг ялалтын төлөө амиа өгөхөд бэлэн байдаг. 
• Махатма Ганди, Пак Чон Хи, Ли Куан Ю зэрэг удирдагчдыг ард түмэн нь өчүүхэн ч эргэлзэлгүй дагаж, хамтдаа эх орныхоо төлөө нэгдэж чадсан.
• Алдаа оноон дундуур зүтгэхдээ улс эх орныхоо төлөө хоёргүй сэтгэлтэй байсан тул тэд үеийн үед мөнхөрсөн удирдагчид болсон. 
• Харин манайд ямар байна вэ? Биднийг хаяад зугтах бэлтгэлээ хийж байна гэсэн хар сэр дунд байгаа иргэдээсээ итгэл, сэтгэл, хүндлэл хүлээж болох уу? 
• Иймд улс төрийн өндөр албан тушаалтнууд гадаадад дансгүй, өмчгүй байхыг шийдэх цаг болчихоод байна. 
• Хувийнхаа хөрөнгийг гадаадад байршуулахын оронд улс орон ард түмнээ элдэв эрсдлээс хамгаалах талаар сэтгэл зүрхээ зориулах учиртай. 
• ОХУ-д төрийн өндөр албан тушаалтан гадаадад данстай байхыг хуулиар хориглосоннь итгэл алдарч, сэтгэл гундсан ард түмнийхээ талархлыг хүлээлээ. 
• Хэн ч, ямар ч дарга мөнгөтэй байхыг хориглосонгүй, харин улсдаа л авчир гэв. 
• Монголд Ил тодын хуулийн үзүүр албан тушаалтнуудыг хилийн чанадад байгаа хөрөнгөө Монголдоо авчрах боломжийг олголоо. 
• Тэдний хөрөнгө анх хаана бий болсон тэндээ л үр өгөөжөө өгч байх учиртай. Бид “Таныг Монголоосоо дайжихгүй” гэдэгт итгэхийг хүсч байна. 
• Жирийн иргэд Солонгост өдөр шөнөгүй хөдөлмөрлөж олсон мөнгөө Монгол руугаа илгээж байхад томчууд нь зөрөөд гадагшаа зөөж болно гэж үү?