Эл мэдээллийг УИХ-ын гишүүн Ц.Даваасүрэн сэтгүүлч Б.Номинд ярилцлага өгөх үеэрээ өгчээ.

    Ахмадын холбооны тэргүүн Г.Баасан  МАН-тай бие даагчийн хувиар УИХ-ын ээлжит сонгуульд хамтарч оролцох болсноо албан ёсоор  илэрхийлсэн байна.  

Түүнийг   ахмадууд өөрсдийнх нь эрх ашгийг хамгаалан тэмцдэг цорын ганц улстөрч эмэгтэй хэмээн хүндэлцгээдэг.  Хэдхэн жилийн өмнө  тэднийгээ өмгөөлж, УИХ-ын гишүүн Г.Уянгын хамт өлсгөлөн зарлаж,  ачигдаж хүртэл явсан тэрбээр улстөрч хүн тал талын боловсролтой байх ёстой гэж үзэн МУИС-ийн хуулийн ангид 43 настайдаа суралцаж төгссөн юм. 

Хэвлэл мэдээллийн хэрэгслээр нас чацуутан топ модель Э.Одгэрэлтэй харьцуулж, бяцхан шоглоод авсан ч амьдрал дээр Г.Баасан нь эр зориг, хал үзэж хашир сууснаараа, ахмад настнуудын сайн сайхны төлөө хийж бүтээснээрээ, эзэмшсэн боловсрол зэргээрээ мөнхийн залуу настныг хол хаясан улстөрч билээ.