2016.07.08

Зөвхөн АТГ биш, УИХ Засгийн газартай зайлшгүй хамтарч авлигатай тэмцэх ёстой

УИХ-ын чуулганы өнөөдрийн нэгдсэн хуралдаанаар АТГ-ын даргаар Х.Энхжаргалыг томилох асуудлыг хэлэлцэн баталлаа. Энэ үеэр УИХ-ын гишүүд байр сууриа илэрхийлсэн юм.

УИХ-ын гишүүн Л.Оюун-Эрдэнэ “Манай улсын авлигын түвшин нийгмийг хамарсан гэдэг ангилалд хамаарна. Ийм авлигын уур амьсгалыг зогсоохын тулд зөвхөн АТГ биш, УИХ Засгийн газартай зайлшгүй хамтарч ажиллах ёстой. Улс төрийн намуудын тухай хуулийг ямар түвшинд байлгах вэ гэдэг саналыг АТГ гаргах хэрэгтэй.

Соён гэгээрүүлэх ажил хийснээр энэ асуудал үгүй болно гэж байхгүй. Соён гэгээрүүлэх ажил их чухал. Хэвлэл мэдээллийн байгууллагатай хамтарч ажиллах биш, их дээд сургуулийн сургалтын програмд оруулах ёстой.