2016.07.21

Засгийн газар 13 яамтайгаар байгуулагдана

УИХ-ын үдээс хойшхи нэгдсэн хуралдаан хуралдаж Засгийн газрын бүтэц, бүрэлдэхүүний тухай хуулийг хэлэлцэн баталлаа.

Ингэснээр Засгийн газар цаашид 13 яам, 16 сайдтайгаар ажиллах юм.

Үүнд:

  • Монгол Улсын Ерөнхий сайд;
  • Монгол Улсын Шадар сайд;
  • Монгол Улсын сайд, Засгийн газрын Хэрэг эрхлэх газрын дарга;
  • Байгаль орчин, аялал жуулчлалын сайд;
  • Гадаад харилцааны сайд;
  • Сангийн сайд;
  • Хууль зүй, дотоод хэргийн сайд;
  • Хөдөлмөр, нийгмийн хамгааллын сайд;
  • Батлан хамгаалахын сайд;
  • Барилга, хот байгуулалтын сайд;
  • Боловсрол, соёл, шинжлэх ухаан, спортын сайд;
  • Зам, тээврийн сайд;
  • Уул уурхай, хүнд үйлдвэрийн сайд;
  • Хүнс, хөдөө аж ахуй, хөнгөн үйлдвэрийн сайд;
  • Эрчим хүчний сайд;
  • Эрүүл мэндийн сайд. 

 Харин сайд нарын нэрсийг МАН-ын УЗ-ийн хурлаар хэлэлцэж тодруулаад Ерөнхийлөгчтэй зөвшилцсөний дараагаар УИХ-д өргөн мэдүүлэх аж.

Ийнхүү  өнөөдрийн нэгдсэн чуулганы хуралдаан өндөрлөлөө.