УИХ-ын 2016 оны 12 сарын 28 ны чуулганы хуралдаан үргэлжилж байна. Чуулганы хуралдаанаар Улсын дээд шүүхийн шүүгчийн албан тушаалд Б.Мөнхтуяа, Г.Банзрагч нарыг томилох асуудлыг хэлэлцэв.

Нэр дэвшигчид хууль зүйн чиглэлээр олон жил ажилласан, туршлагатай Улсын дээд шүүхийн шүүгчээр ажиллах шаардлага хангасан гэж үзэн нэр дэвшүүлсэн.

Нэр дэвшигчидтэй холбоотой УИХ-ын гишүүн Ц.Даваасүрэн, Д.Дамба-Очир, Б.Энх-Амгалан, Б.Ундармаа, С.Чинзориг, Л.Болд, Г.Занданшатар, М.Билэгт нар асуулт асууж, саналаа хэлэв.

Гишүүд 2016 оны 12 сарын 27 ны өдөр болсон С.Зоригийн шүүх хуралтай холбогдуулан өөрсдийн байр сууриа илэрхийлж улсын шүүх байгууллагын нэр хүнд, шүүгчийн өндөр хариуцлага, ёс зүйг сахин ажиллахыг даалгав.

Үүний дараа Улсын дээд шүүхийн шүүгчээр Б.Мөнхтуяа, Г.Банзрагч нар томилогдлоо.