УИХ дахь Ардчилсан намын бүлгийн дарга С.Эрдэнэ
2017.01.24

УИХ дахь Ардчилсан намын бүлгийн дарга С.Эрдэнэ мэдээлэл хийв

УИХ-ын Хууль зүйн байнгын хороогоор “Эрдэнэт үйлдвэр” ХХК болон “Монголросцветмет” ХХК-д эзэмшиж байсан 49 хувийн энгийн хувьцааг "Монголиан Коппер Корпорейшн" ХХК худалдан авсантай холбогдох асуудлыг шалгасан Ажлын хэсгийн дүгнэлтийг хэлэлцэх байв. Гэвч УИХ дахь Ардчилсан намын бүлэг тав хоногийн завсарлага авлаа. Энэ талаар бүлгийн дарга С.Эрдэнэ мэдээлэл хийлээ.

Тэрбээр “Эрдэнэт” үйлдвэрийн асуудлыг шалгасан Ажлын хэсэг өнөөдөр байнгын хорооны хурал дээр дүгнэлтээ тараалаа. Энэ нь УИХ-ын Дэгийн тухай хуулийн холбогдох заалтыг зөрчиж байгаа юм. Иймд бид тав хоногийн завсарлага авсан. Яагаад гэхээр “Эрдэнэт” үйлдвэртэй холбоотой шалгалтын материалыг маш сайн судлах ёстой. Ер нь өнөөдөр төр хувийн хэвшлийн харилцаанд сэв суулгаж болохоор асуудал байгаа юм. Тиймээс үүнийг маш нарийн хэлэлцэж, судалж, шалгаж байж бүлэг байр сууриа илэрхийлнэ.