Хүнсний аж үйлдвэрийн ажилтан, ажилчдын өдрийг угтаж Монголын Хүнсчдийн Холбооны дэргэдэх "Талх гурилан бүтээгдэхүүн" болон "Бялуу" үйлдвэрлэлийн мэргэжлийн зөвлөлөөс 2017 оны III сарын 23-ны өдөр “Бялуу чимэглэх туршлага солилцох уралдаан”-ыг "Буянт ухаа"спортын ордонд бялуу үйлдвэрлэгч гишүүн байгууллагуудын дунд зохион байгууллаа.

         Тус уралдааны зорилго хүнсний аж үйлдвэрийн салбарт мэргэжилтэй боловсон хүчин бэлтгэх, тэднийг мэргэшүүлэх, ажилчдын ур чадварыг дээшлүүлэх, харилцан туршлага солилцох, ажил мэргэжлээрээ бахархах үзлийг төлөвшүүлэхэд оршсон.

Уралдаанд “МОНГОЛ ЁС ЗАНШИЛ” сэдвээр тэргүүн байрыг Тэнгэрийн хишиг ХХК-ийн бүтээл, багийн амжилтаар "БИД ХҮНСЧИД", "ТӨРСӨН ӨДӨР" сэдвүүдээр:

1-р байрыг "Жүр Үр" ХХК-ийн бүтээл

                2-р байрыг "Технологийн дээд сургуулийн бүтээл"

                3-р байрыг "Батбайгаль" ХХК-ийн бүтээл

                Монголын Хүнсчдийн Холбооны тусгай шагналыг Монкек ХХК-ийн бүтээл тус тус хүртэв.

      Ажил мэргэжлийн ур чадварын уралдаан 2014 онд мах, махан бүтээгдэхүүний үйлдвэрлэгчид болон бялуу үйлдвэрлэгчдийн дунд зохион байгуулагдаж байсан юм.  Энэхүү уралдаан 2014 оноос хойш тасарсан байсан ч өнөө жил Хүнсний аж үйлдвэрийн ажилтан, ажилчдын баярыг угтаж дахин зохион байгуулав. Цаашид ажил мэргэжлийн ур чадварын уралдааныг жил бүр зохион байгуулах уламжлалыг тогтоохыг зорьж байна.