Энхтүвшин.Ө 2017.09.15 | Телевиз: МҮОНТВ

МҮОНРТ үе үеийн удирдлагуудаа хүлээн авлаа

МҮОНРТ  үе үеийн удирдлагуудаа хүлээн авлаа

МҮОНРТ  үе үеийн удирдлагуудаа хүлээн авлаа. Тэд уран бүтээлчдээрээ бахархлын зэрэгцээ, цаашид боловсон хүчнээ чадавхыг нэмэх, үзэгчдийн сэтгэлд нийцсэн шинэ контентуудыг бие болгох зэрэг шинэчлэх ажил олон байгаа хэмээн санал бодлоо хэлсэн юм. 

1996 онд МҮОНРТ-ын хэрэг эрхлэх газрын даргаар одоогийн УИХ-ын гишүүн Ө.Энхтүвшин ажиллаж байжээ. Тэр үед радиогийн нэг, телевизийн нэг суваг, техникийн төв гэсэн гурван хэсэгтэй байсан бол өнөөдөр Монголын радиогийн гурав, телевизийн хоёр сувагтай болсон байна. Цаашид ч "MNB World", "MNB Sport" зэрэг сувгийг нээхээр төлөвлөөд байна.  

УИХ-ын гишүүн Ө.Энхтүвшин

"МҮОНРТ нь хүнд шинэ мэдлэг өгсөн  нэвтрүүлгүүдийг их хийгээсэй гэж бодож байна. Хоёрт, өнөөгийн мэдээллийн хэрэгслүүдээр нийгэмд болж буй бараан талын мэдээлэл дэндүү их явж байна. Хүнд амьдрах урам өгсөн нэвтрүүлгүүд их байх ёстой гэж боддог" гэв.