Зоонозын өвчин судлалын үндэсний төвийн хамт олонтой уулзлаа
2017.10.30

Зоонозын өвчин судлалын үндэсний төвийн хамт олонтой уулзлаа

Уулзалтын эхэнд ЗӨСҮТ-ийн ерөнхий захирал Н.Цогбадрах төвийнхөө талаар товч танилцуулга хийлээ.

Тэрээр хэлэхдээ Байгалийн голомтот, зоонозын өвчнийг тандах, хянах, эрт сэрэмжлүүлэх, хариу арга хэмжээг судалгаа, нотолгоонд тулгуурлан хэрэгжүүлж, өвчний эрсдэлийг багасган, хүний өвчлөл, эндэгдлийг бууруулах үйл ажиллагааг мэргэжлийн өндөр түвшинд гүйцэтгэн, зохион байгуулах нь бидний эрхэм зорилго. Өнөөдрийн байдлааар 100 гаруй эмч эмнэлгийн ажилчидтай үйл ажиллагаагаа явуулж байгаа гэлээ.

Үүний дараа сайд хэлэхдээ Монгол улсын Засгийн газраас авч хэрэгжүүлж буй бодлого шийдвэр, цаашид хийж хэрэгжүүлэх үйл ажиллагааны талаар танилцууллаа. Мөн ойрын хугацаанд шуурхай хийж хэрэгжүүлэх ажлуудаас дурдвал:

  1. Засгийн газрын үйл ажиллагааны мөрийн хөтөлбөрт Эрүүл мэндийн салбарт хийж хэрэгжүүлэх 23 зүйл заалт бүхий үйл ажиллагаа тодорхой болсон. Эдгээрийг хэрэгжүүлэх хууль эрх зүйн орчин нь бүрдсэн. Эмнэлгийн тусламж, үйлчилгээний тухай хуулийг хэрэгжүүлэх, эмнэлгүүдийн харьцангуй бие даасан үйл ажиллагаатай болгох,
  2. Эрүүл мэндийн даатгалын санг нийгмийн даатгалын сангаас салгаж Эрүүл мэндийн салбарт нь өгч зориулалтаар нь ашигладаг болох. Хэрэв захиран зарцуулдаг болбол иргэдийн нуруун дээр, гэр бүлийн орлогод ачаалал болоод байгаа эмнэлгийн тусламж үйлчилгээтэй энэ зардлыг бууруулах боломж бүрдүүлэх,
  3. Нийгмийн эрүүл мэндийн чиглэлээр ажиллах ёстой. Нийгмийн эрүүл мэнд, иргэдийн эрүүл мэндийн асуудал болон эрүүл мэндийн салбар иргэд хоорондын хамтын ажиллагаа. Мэдээж хэвлэл мэдээлэл. Энэ асуудалд дорвитой ахиц гаргах,
  4. Эрүүл мэндийн салбарын нэр хүндийг өсгөх, ямар үйл ажиллагаа явуулбал нэр хүнд нь өсөх талаар саналаа ирүүлэх,
  5. Мэдээллийн ил тод байдлыг хангаж ажиллах. Эрүүл мэндийн салбар хийсэн ажлаа олон нийтэд хангалтгүй хүргэж байна.  Олон нийтийн төлөө ажил хийсэн бол түүнийгээ хүргэх- мэдээлэх,

Энэ үеэр ЗӨСҮТ-ийн хамт олны төлөөллөөс тулгамдаж буй асуудлууд болон цаашид шийдвэрлэж өгөөч санал хүсэлтийг сайдад уламжилсан юм. Энэ дагуу холбогдох хүмүүсийг судлаж, яаралтай хариу өгөхийг сайд үүрэг болгов.