Төв банкны тухай хуулийн төслийг анхны хэлэлцүүлэгт шилжүүллээ
Улсын Их Хурлын Чуулган
2017.11.30

Төв банкны тухай хуулийн төслийг анхны хэлэлцүүлэгт шилжүүллээ

Улсын Их Хурлын гишүүн Ө.Энхтүвшин нарын 10 гишүүн өргөн барьсан Төв банк /Монголбанк/-ны тухай хуульд нэмэлт, өөрчлөлт оруулах тухай хуулийн төсөл болон холбогдох бусад хуулийн төслийн үзэл баримтлалыг хэлэлцлээ.

Хуулийн төслийн танилцуулгыг УИХ-ын гишүүн Х.Баделхан танилцууллаа.

Хэлэлцэж буй асуудалтай холбогдуулж УИХ-ын гишүүн Л.Мөнхбаатар, Л.Энх-Амгалан, О.Баасанхүү, М.Билэгт, Л.Оюун-Эрдэнэ, З.Нарантуяа, О.Батнасан нар асуулт асууж үүний дараа дэмжээгүй байр суурианаас УИХ-ын гишүүн Л.Мөнхбаатар, О.Баасанхүү, А.Сүхбат нар тус тус саналаа хэллээ.

Хуулийн төслийн үзэл баримтлалыг гишүүдийн 66% дэмжиж анхны хэлэлцүүлэгт дагалдах хуулийн төслүүдийн хамтаар шилжүүллээ.