Ц.Даваасүрэн 2018.01.04 | Яамны хэвлэл мэдээллийн алба

Эрчим хүчний салбараас 10 хүн төрийн дээд одон медалиар шагнагдав

Эрчим хүчний салбараас 10 хүн төрийн дээд одон медалиар шагнагдав

Эрчим хүчний салбарт амжилт гаргаж, хамт олноо ажил хөдөлмөрөөрөө манлайлсан зарим хүмүүсийг 2018 оны босгон дээр шагнаж урамшууллаа.

Монгол Улсад Үндэсний эрх чөлөө, тусгаар тогтнолоо сэргээн мандуулсны баярын өдрийг тохиолдуулан Монгол Улсын Ерөнхийлөгчийн 2017 оны 12 дугаар сарын 22-ны өдрийн 87 дугаар зарлигаар төрийн дээд шагналаар шагнагдсан эрчим хүчний салбарын 10 ажилтан, албан хаагч нарт өнөөдөр гардуулан өглөө.

Үүний дотор Хөдөлмөрийн хүндэт медалиар зургаа, Алтан гадас одонгоор дөрөв, Хөдөлмөрийн гавъяаны улаан тугийн одонгоор нэг хүн тус тус энгэрээ мялаалаа. 

undefined


Хөдөлмөрийн хүндэт медалиар Эрчим хүчний зохицуулах хорооны хэлтсийн дарга Ч. Жаргалмаа, Диспетчерийн үндэсний төвийн засварчин П. Ганхуяг, “ДЦС-3” ТӨХК-ийн турбины машинч Д. Энхээ, “Цахилгаан дамжуулах үндэсний төв”-ийн инженер Д. Мөнхбат, “Багануурын Дулааны Станц”-ын цахилгаанчин Б. Баянболд нар шагнагдлаа.

Алтан гадас одонгоор Эрчим хүчний яамны мэргэжилтэн Ж. Гэрэл, “Диспетчерийн үндэсний төв”-ийн ахлах инженер Ц. Энхсайхан, “ДЦС-2” ТӨХК-ийн цехийн дарга Д. Пүрэвдорж, “Улаанбаатар Цахилгаан Түгээх Сүлжээ” ТӨХК-ийн ээлжийн монтёр П. Болд нар шагнагдлаа.

undefined

Харин “Хөдөлмөрийн гавъяаны улаан тугийн одон”-оор “ДЦС-3” ТӨХК-ийн ахмад ажилтан Ж. Баасандоржийг шагнасныг эрчим хүчний сайд Ц. Даваасүрэн гардуулан өглөө. 

Баярын хурлын төгсгөлд эрчим хүчний сайд Ц. Даваасүрэн салбарын нийт ажилтан, албан хаагч, үе үеийн төлөөллүүдэд шинэ оны мэнд дэвшүүлж, аз жаргал, сайн сайхан бүхнийг хүсэн ерөөлөө.