Манай улсад оюуны өмч гэдэг нэр томъёо хэрэглэгдэж эхлээд нилээдгүй хугацаа өнгөрч байгаа ч энэ нь хэрэглээ хэвээр байна.

Тухайлбал хэн нэгний дууг хулгайлан ашиглах, телевизийн нэвтрүүлэгт хэрэглэх, шинэ дуу, кино клип зэргийг хөрөнгө мөнгө зарцуулан бэлтгэсэн байхад захын нэг гар дээрээс худалдаа эрхлэгчээс таваг хоолны үнээс ч бага мөнгөөр худалдаад авчих жишээтэй байгаа нь уран бүтээлчийг бухимдуулдаг. Харин ирэх хаврын чуулганаар хэлэлцэгдэх хуулийн жагсаалтанд Оюуны өмчийг эдийн засгийн эргэлтэд оруулах тухай хуулийн төслийг хэлэлцүүлэхээр болсон байна. Ингэснээр уран бүтээлчдийг дэмжээд зогсохгүй, эргээд үнэнч хэрэглэгчдийг бий болгох боломжтой юм.

УИХ-ын гишүүн Н.Учрал: Бид эдийн засгийн өсөлтийг 5 хувьд хүргэнэ гэж ярьж байна. Гэтэл 5 хувьд хүрлээ гээд хөргөгчинд байгаа хүнсний тоо нэмэгдэхгүй байгаа нь технологийн агууламж шингээсэн бүтээгдэхүүн үйлдвэрлэхээ больсонтой холбоотой. Ер нь оюун санаагаа үнэлүүлэхээ больсон. Тиймээс 2012 оны Инновацын хуульд өөрчлөлт оруулахаар ажлын хэсэг гаргаад ажиллаж байна. Энэ хуулийн шинэчлэхтэй холбоотой дагалдаж гарах журмууд байгааг шинэчилэх хэрэгтэй.