Өнөөдөр /2018.04.06/ УИХ-ын нэгдсэн чуулганаар Бүгд Найрамдах Киргиз Улсын нийслэл Бишкек хотод Монгол Улсын Элчин сайдын яам нээн ажиллуулах тухай Улсын Их Хурлын тогтоолын төслийг хэлэлцлээ.

УИХ-ын гишүүн Б.Бат-Эрдэнэ

Танилцуулгад дурдсанаар сүүлийн жилүүдэд Киргиз улстай харилцах гадаад харилцаа гүнзгийрсэн байна. Азийг Европтой холбох гол гүүр болж байна. ГХЯ-ны мэдээллээс харахад ямар нэгэн төсөв мөнгөнд өөрчлөлт орохгүй гэж ойлголоо. Дэд бүтцийн хувьд асуудал шийдэгдэж байгаа орон учраас дэмжиж байна.

Хэлэлцэж байгаа асуудалтай холбоотой бас нэг санал хэлье.

УИХ-ын зарим гишүүд  БНСУ-д ажиллаад ирсэн. Энэ улсад манай олон мянган иргэд ажиллаж, сурч байгаа. БНСУ-д ажиллаж байгаа ЭСЯ-ны төсөв, орон тоог авч үзэж, хүн хүчний асуудлыг шийдэхэд анхаарал хандуулах хэрэгтэй байна. Солонгост манай НХХЯ-ны харьяа алба ажилладаг. Хөдөлмөрийн харилцаа, үйлчилгээтэй холбоотой, иргэдээс асууж байгаа олон асуудал байсан. Засгийн газар энд анхаарч ажиллах хэрэгтэй. Солонгосын парламентийн зүгээс Манай орны төлөө сэтгэл зүрхтэй ажиллаж байна. Ер нь бусад улс орны парламентийн хоорондын харилцаан дээрээ бид анхаарах хэрэгтэй гэсэн саналыг хэлье.