БНХАУ-тай боловсролын салбарт хамтарч ажиллах санамж бичигт гарын үсэг зурлаа
2018.04.11

БНХАУ-тай боловсролын салбарт хамтарч ажиллах санамж бичигт гарын үсэг зурлаа

Монгол Улсын Ерөнхий сайд У.Хүрэлсүхийн хамт БСШУС-ын сайд Ц.Цогзолмаа БНХАУ-д энэ сарын 8-12-нд албан ёсны айлчлал хийж байна.

Айлчлалын эхний өдөр хоёр орны Ерөнхий сайд нар албан ёсны хэлэлцээ хийж, дараа нь Монгол Улсын Ерөнхий сайд У.Хүрэлсүх, БНХАУ-ын Төрийн Зөвлөлийн Ерөнхий сайд Ли Көчян нар нийт 11 баримт бичигт гарын үсэг зурах ёслолын ажиллагаанд оролцлоо.

Энэ үеэр БСШУС-ын сайд Ц.Цогзолмаа Монгол Улсын БСШУСЯ, БНХАУ-ын Боловсролын яам хооронд 2018-2021 онд хэрэгжүүлэх боловсролын солилцоо, хамтын ажиллагааны төлөвлөгөө болон спортын салбарт хамтран ажиллах тухай Монгол Улсын БСШУСЯ, БНХАУ-ын Спортын ерөнхий газар хоорондын харилцан ойлголцлын санамж зэрэг санамж бичигт гарын үсэг зурлаа. 

Баримт бичигт гарын үсэг зурах ёслолын ажиллагаа БНХАУ-ын Ардын их хурлын ордонд боллоо.