УИХ-ын гишүүн Д.Тэрбишдагва тойргийнхонтойгоо уулзаад амсхийх завгүй явна. Тэрбээр сонгогчдынхоо хараах, загнахыг эс тоон 200 гаруй удаа уулзалт зохион байгуулжээ. Иргэдтэй уулзахад нийгмийн бухимдал асар их байгааг тайлбарлаж хэлэхийн аргагүй байна гэсэн юм. Сонгинохайрхан дүүрэгт энэ оны эхний найман сарын байдлаар 8000 хүн шинээр  суурьшихаар ирсэн байна. Жилээс жилд өсөн нэмэгдэж байгаа хүн амын төвлөрлөөс болж шинээр гэрэлтэй болгох ажил хийсэн ч хаанаа ч хүрэхгүй байгаа аж. Тухайлбал, 4700 өрхийг гэрэлтэй болгоход цаана нь 2400 өрх үлддэг байна.