Өнөөдөр /2018.04.27/ УИХ-ын нэгдсэн чуулганаар Боловсролын тухай хуульд нэмэлт, өөрчлөлт оруулах тухай, Бага дунд боловсролын тухай хуульд нэмэлт оруулах тухай хуулийн төслийн үзэл баримтлалыг хэлэлцэх эсэх тухай асуудлыг хэлэлцэж байна.

2012 онд Боловсролын тухай хуульд оруулсан өөрчлөлтөөр урьд нь сум, дүүргийн Засаг дарга нь ерөнхий боловсролын сургуулийн захирал, хүүхдийн цэцэрлэгийн эрхлэгчийг томилж, чөлөөлж байсныг өөрчилж, эдгээр албан тушаалтныг аймаг, нийслэлийн Засаг дарга томилж, чөлөөлөх, тэдэнтэй үр дүнгийн гэрээ байгуулахаар заасан. Харин төсөл санаачлагч гишүүд хуучин тогтолцоо нь бодитой зохицуулалт гэж үзэж байгаа аж.

 УИХ-ын гишүүн Д.Оюунхорол: 

Хэсэгчилсэн өөрчлөлтийг оруулах нь сөрөг тал гарах магадлалтай. Боловсролын салбарын шинэчлэл шингэж чадахгүй байгаа. Энэ салбарт улс төржилт хэрэггүй. Сонгуулийн эрх авсан талд эрх мэдлийг шилжүүлж болохгүй. Бүх шатны боловсролын байгууллагын томилгоог улс төрүүлж болохгүй. Тогтворгүй байдал үүснэ. Иймд багцаар орж ирж байгаа хуулин дээрээ анхаарах хэрэгтэй.Эзэнтэй болгох хуулийн өөрчлөлт хийх хэрэгтэй.Салбарын сайд сайн бодож тунгааж, хуулиа оруулж ирээрэй. Хэлэлцүүлэг сайн хийгээрэй. Энэ салбар чухал шүү. Асуудалд нухацтай хандаарай.