М.Билэгт 2018.05.18 | Сайт: Vip76.mn

М.Билэгт: Энэ хуульд орсон өөрчлөлт хэзээнээс хэрэгжих вэ?

Өнөөдөр /2018.05.15/ УИХ-ын нэгдсэн чуулганаар Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт, өөрчлөлт оруулах тухай хуулийн төслийн үзэл баримтлалын хэлэлцэх эсэх асуудлыг хэлэлцлээ. 

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт, өөрчлөлт оруулах тухай хуулийг УИХ-аас 2005 онд батлан 2006 онд хэрэгжүүлж эхэлсэн бөгөөд уг хуулийн өнөөдрийг хүртлэх хугацаанд 23 удаагийн нэмэлт, өөрчлөлт оруулсан байна. Дээрх хуулийг хэрэгжүүлэх явцад худалдан авах ажиллагаанд цахим системийг боловсронгуй болгох, үйл ажиллагааг олон нийтэд ил тод, нээлттэй байлгах, авлига ашиг сонирхлоос урьдчилан сэргийлэх, байгаль орчинд ээлтэй бараа, бүтээгдэхүүнийг худалдан авах, үндэсний үйлдвэрлэл, дотоодын бизнесийн орчныг төрөөс дэмжих, түүнчлэн олон улсын байгууллагуудад өргөн хэрэглэж байгаа урьдчилсан худалдан авах ажиллагааг нэвтрүүлэх зэрэг асуудлыг хуульчлах шаардлага үүсчээ. Иймд худалдан авах ажиллагааны эрх зүйн орчныг боловсронгуй болгох зорилгоор Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт, өөрчлөлт оруулах тухай хуулльд нэмэлт, өөрчлөлт оруулах тухай хуулийн төслийг боловсруулсан байна.

УИХ-ын гишүүн М.Билэгт: 

Тендерээ зогсоогоод 6 сарын 1 ээс шинэчилсэн хуулиараа явбал зүгээр гэж бодож байна. 2018 онд бүтээн байгуулалтын ажил их бий. Үндэслэлгүйгээр маргаан гаргаж ашиг олдог бүлэг гарсан. Ажил зогсоогоод мөнгө олдог хүмүүс байна. Гүйцэтгэл нь 20-30 хувьтай, мөнгөө 50 хувь аваад алга болчихдог хариуцлагагүй зүйл их байна. Цэцэрлэг, сургуулийн хоолны бүтээгдэхүүн нийлүүлдэг тал дээр их асуудал байна. Улсын төсвийн хөрөнгийг эрсдэлд оруулж байгаа маш их аж ахуй нэгж байна

УИХ-ын гишүүн Б.Билэгт: Төсвийг үр дүнтэй зарцуулахын тулд энэ хуулинд оновчтой өөрчлөлт хэрэгтэй.

Сэтгүүлч

Vip76.mn Ц.Соёлмаа