Ж.Бат-Эрдэнэ 2018.06.18 | УИХ-ын Хэвлэл мэдээллийн алба

“Улаанбаатар төмөр зам”-ын ашиглалтад шаардлагатай бараа материалыг татвараас чөлөөлнө

“Улаанбаатар төмөр зам”-ын ашиглалтад шаардлагатай бараа материалыг татвараас чөлөөлнө

Монгол Улсын Засгийн газраас санаачилсан Онцгой албан татвараас чөлөөлөх тухай хуульд өөрчлөлт оруулах тухай хуулийн төслийг Улсын Их Хурлын гишүүн, Зам тээврийн хөгжлийн сайд Ж.Бат-Эрдэнэ өнөөдөр /2018.06.15/ Улсын Их Хурлын дарга М.Энхболдод өргөн барилаа.

 “Улаанбаатар төмөр зам” ХНН-ийн үйл ажиллагаа нь хүчин төгөлдөр мөрдөгдөж буй хоёр улсын Засгийн газар хоорондын хэлэлцээрээр зохицуулагддаг.
Тус хэлэлцээрийн дагуу Монгол Улс “Улаанбаатар төмөр зам”-ын ашиглалтад чухал шаардлагатай бараа материалыг гаалийн татвар, хураамжгүй оруулах Олон улсын гэрээ, хэлэлцээрээ мөрдөж “Улаанбаатар төмөр зам” нийгэмлэгийн дотоод хэрэгцээнд импортоор оруулах дизелийн түлшийг онцгой албан татвараас чөлөөлөх ёстой байдаг билээ. 
Үүнтэй холбогдуулан уг хуулийн төслийг боловсруулсан байна.