2018.06.26

ОХУ-ын нутгаар дамжин өнгөрөх тээвэрт Монгол Улс 52-66.4 хувийн тарифын хөнгөлөлт эдэлнэ

УИХ-ын гишүүн, Зам тээврийн хөгжлийн сайд Ж.Бат-Эрдэнэ Eagle телевизийн "Бадарчийн Жаргалмаа" нэвтрүүлэгт орж, цаг үеийн асуудлаар ярилцжээ. 

-Төмөр замын шинэчлэлд ямар алхам хийгдсэн бэ?

-Төмөр зам бол дэд бүтэц талаасаа том салбар. Тэр утгаараа төмөр замд хөрөнгө оруулалт оруулах, шинэ төмөр замуудаа тавья гэсэн бодлогуудыг барьж байна. Нэн тэргүүнд Улаанбаатар төмөр замын хүчин чадлыг сайжруулах асуудал дээр гол анхаарлаа хандуулж байна. Төмөр замд шинэчлэл хийх шаардлагатай. Төмөр зам тавьснаас хойш бага багаар шинэчлэгдэж байгаа болохоос үндсэндээ хүчин чадал нь муу байгаа. Тиймээс замынхаа шинэчлэлийг хийх шаардлагатай байна. Сүүлийн тооцооллоор 60-аад сая долларын хөрөнгө оруулалт хийх тооцоололтой байна. Үүнийгээ ОХУ-д тооцооллоо гаргаж өгсн.