2018.07.03

Азийн тогтмол орлоготой үнэт цаасны V чуулга уулзалт боллоо

Орон сууцны тасралтгүй санхүүжилтийн сувгийг нээх олон улсын туршлагаас судлах Азийн Тогтмол Орлоготой Үнэт Цаасны 5 дахь удаагийн чуулга уулзалт /AFIS/ Улаанбаатар хотноо 2018 оны 7 дугаар сарын 2-ны өдөр зохион байгуулагдаж байна.

Энэхүү дээд хэмжээний чуулга уулзалтыг Монголын Ипотекийн Корпораци /МИК ОССКХХК/ нь Барилга Хот Байгуулалтын Яам, Сангийн Яам, Санхүүгийн Зохицуулах Хороотой хамтран зохион байгуулж байгаа юм.

Чуулганы үеэр орон сууцны санхүүжилтийг богино хугацаанд шийдэх боломжийн талаар хэлэлцлээ. 

Нийслэлийн засаг даргын орлогч П.Баярхүү: Орон сууцжуулах, дэд бүтэцжүүлэх гээд хоёр том ажил зэрэг явж байна. Нэг талдаа гэр хорооллын дахин төлөвлөлт, орон сууц барих, шинэ суурьшлын бүс үүсгэх ажлууд явагдаж байна. Нөгөө талдаа амьны орон сууцтай хороолол болгохын хувьд гэр хорооллыг дэд бүтэцжүүлэх ажлыг давхар хийж байна. Аль алинд нь ипотекийн зээл чухал.