8 сарын 12 ны 01-03 цагийн туршид Дорноговь аймгийн Айраг суманд хүчтэй аадар бороо орсны улмаас 21 өрх үеэрт автаж, гэрийн зөвхөн тооно нь цухуйх хэмжээнд их усанд автжээ. Мөн үүрийн 4 цагт үргэжлэн орсон борооны улмаас зам усанд автаж, зарим хонхор газруудад 3 метр орчмын гүн ус тогтжээ. 

Тус аймгийн ОБГ-аас бие бүрэлдэхүүнээ дайчлаж, үер авсан айл өрхүүдийн гэр бүлийн гишүүдийг нүүлгэн шийлжүүлээд байна. Харин үерийн голомтоос гэрийг нүүлгэх ажил хүндрэлтэй байна. 

ОБЕГ-ын дэд дарга Б.Ууганбаяр" Тогтсон усын зайлуулах асуудал бидний өмнө тулгараад байгаа юм. Өөр нэг асуудал бол айлууд усанд авсан учраас бохир усанд авчихсан байгаа. Түүнээс болоод ямар нэгэн халдварт өвчин үүсэх эрсдэл бий болчоод байна.Үүнтэй холбогдуулан тодорхой шийдвэрүүд гаргаж, дараагийн арга хэмжээ авах үүрэг чиглэлүүд өгсөн. Одоо энэ 8 сарын сүүлийн хагаст яг үүн шиг байгалийн үзэгдлүүд тохиолдоно"