"Урт цагаан"-ны барилга тэртээ 1951 онд ашиглалтад орж байжээ. Тухайн үед үсчин, алт мөнгөний дархан,  цаг засвар, гуанз, махны дэлгүүр үйл ажиллагаа явуулж, иргэдэд ахуйн үйлчилгээг үзүүлж байжээ. Нийгэм солигдох үеэр тухайн үед үйл аижллагаа явуулж байсан аж ахуй нэгжүүдтэй хотын захиргаа "менежментийн гэрээ" гэгчийг байгуулж байжээ. Гэтэл өнөөдөр өмчлөлийн тухай асуудал яригдахаар гэрээ байгуулсан ААН-үүд нь нэг нэгээрээ шүүхэд гомдол гаргасаар 10 шахам жил болж байна. 

НИТХ-ын дарга С.Амарсайхан " үүнийг өөрчлөх хэрэгцээ үүсээд олон жил болж байгааг бид мэднэ. Гол шалтгаан нь 1990 оны эхээр баахан байгууллагуудтай гэрээ хийгээд олгочихсон, тэдгээр байгууллагууд нь баахан хөрөнгө оруулалт хийчихсэн. Үүнээс ААН, иргэдийг хохироох тухай асуудал гарч ирдэг. Олон байгууллагууд түрээсэлчихсэн, эзэн нь хэн болох нь тодорхойгүй болчихсон өнөөдрийн хүртэл шүүхээр явж байна. Өмчлөл нь эцэслэн тодорхой болоогүй байгаа юм. Нийслэлээс шийдвэр гаргах ямар ч нөхцөл нь бүрдэхгүй байгаа.