2018.09.13

Цалингийн нэмэгдлийн зөрүүнд 8 тэрбум төгрөг тусгана

Засгийн газрын ээлжит хуралдаанаар улсын төсөв болон багш нарын цалингийн зөрүүний зардлыг авч хэлэлцсэн байна. Гэвч энэ оны төсөвт тодотгол хийх боломжгүй учраас ирэх оны төсөвт багш нарын цалингийн зардлыг боломжоороо тусгах, багш нарын цалингийн нэмэгдлийн зөрүүг арилгахад 8 тэрбум төгрөг тусгахаар шийдвэрлэсэн байна. 

БСШУС-ын сайд Ц.Цогзолмаа: 8 хувь дээр 12.3 хувь хүртэл нэмэгдсэн. Өнгөрсөн Пүрэв гарагаас Сангийн яам нэмэгдсэн цалингийн мөнгийг БСШУСЯ руу шилжүүлсэн. Өнөөдрөөс анхан шатны бүх нэгж рүү шилжүүлгийн мөнгө ороод багш нарын гар дээр очино. Эмч, багш нарын хооронд гарсан байгаа 4.5-5 хүртэлх хувийн зөрүү буюу 7.7 орчим тэрбум төгрөгийг ондоо багтаагаад шийдэх боломжийг хайж байна. 2019 оны 1 сарын 1-нээс Засгийн газар дахин төсөв батлахдаа хэдэн хувиар цалингаа нэмэх нь бүх шатны төрийн байгуулалтад хамаатай.