Бээжинд эхэлсэн Монгол Улс, БНХАУ-ын Засгийн газрын хоорондын комиссын 15-р хуралдаан болж байна. 

Засгийн газар хоорондын хуралдаан амжилттай болж, манай талаас тавьсан бүх саналыг БНХАУ-ын тал дэмжлээ гэж Монгол Улсын Шадар сайд, Засгийн газар хоорондын комиссын Монголын хэсгийн дарга Ө.Энхтүвшин мэдээлжээ. 

Ө.Энхтүвшин: Энэ цаг үед бидний хувьд шийдэх ёстой асуудлыг бүгдийг ярьсан. Худалдаа, эдийн засаг, шинжлэх ухаан, техник хүмүүнлэгийн гэх мэт бүх салбарын хамтын ажиллагааны талаар өргөн хүрээнд ярилцсан. Ямар нэгэн санал зөрсөн асуудал байхгүй бөгөөд манай талаас тавьсан бүх саналыг БНХАУ-ын Засгийн газраас хүлээн авсан.