2018.11.02

Ирэх жилээс "Хүүхэд бүр цэцэрлэгт" хөтөлбөрийн хүрээнд 142 Цэцэрлэг нэмэгдэж хүүхэд харах үйлчилгээ зогсоно

 Улсын хэмжээнд тулгамдаж байгаа асуудлуудын нэг нь сургууль цэцэрлэгийн хүрэлцээ болоод удаж байгаа. Сугалаа сугалаад цэцэрлэгт хамрагдаж чадаагүй хүүхдүүдийг ямар нэгэн байдлаар сургуулийн өмнөх боловсрол эзэмшүүлэхийн тулд одоогоос гурван жилийн өмнө хүүхэд харах үйлчилгээг бий болгосон.  Жил бүр хүүхэд харах үйлчилгээ эрхлэгчдэд зориулан улсын төсвөөс 5,8 тэрбум төгрөг хувиарладаг байсан бол ирэх онд 2,6 тэрбум болгон бууруулсан байна.

 Өнгөрсөн жил улсын төсвөөс 7,2 тэрбум төгрөг хүүхэд харах үйлчилгээнд төсөвлөсөн бол он дуустал хангалттай хэрэглэх хэмжээний мөнгө үлдсэн гэдгийг хэлж байна. Ирэх хичээлийн жилээс хүүхэд бүр цэцэрлэгт хөтөлбөр хэрэгжиж 142 цэцэрлэг ашиглалтад орж хүүхдийн цэцэрлэгийн суудал 20 гаран мянгаар нэмэгдэнэ гэдгийг салбарын сайд онцоллоо.