УИХ-ын гишүүн С.Эрдэнээс цөөн асуултад хариу авлаа.

-Олон л удаа уулзсан байх. Ерөнхийлөгч байхад шагнал гардаж аван уулзаж байлаа. Дараа нь сонгуульд өрсөлдөж гэх мэт, Яг алийг нь зааж хэлээд байгааг нь ойлгохгүй байна. Ээлжит сонгуулийн дараа гишүүний түр үнэмлэхээ гардаж авчихаад байхад бүрэн эрх хэрэгжихгүй болохоор Н.Энхбаяр Ерөнхийлөгчтэй хоёр удаа уулзсан. Түүнээс хойш нэг ч уулзаагүй. Бодвол тэрийг хэлээд байгаа юм уу даа. Түүнээс нэг ч төгрөг авч байгаагүй, намаа бутаргах санаа агуулаагүй гэдгээ хариуцлагатайгаар мэдэгдье.

-Бодвол байнга шүүмжилж, Засгийн газарт асуулга тавиад байгаа болохоор л ийм зүйл гарч байгаа байх. Үнэнийг хэлснийхээ төлөө л өнөөдөр элдвээр хараалган, юм шидүүлж сууна. Би буруу зүйлийн өөдөөс бат зогсч чадна. Яагаад гэвэл олон хүний итгэлийг хүлээн хууль тогтоох дээд байгууллагад гишүүнээр орсон.

-Хэвлэлээр гарч байгаа нийтлэл нь хэн нэгний захиалгаар л яваад байх шиг. Түүнийг муулахгүй сонин, телевиз гэж алга. Яах вэ дээ, алдаа гаргаа л биз. Арван хуруу тэгш хүн байхгүй шүү. дээ. Надад ч алдаатай үйлдэл байж болно. Гэхдээ тэр бүх-нийг нь өдөр болгон бичиж, газар дор ортол нь муулах шаардлагагүй. Энхбаярыг хадны мангаа болгон дургүйг нь хүргэсэн бүхнийг түүнд аваачин наах гэсэн оролдлого л хийж байна. Үүний үр дүнд тэр хүн ардын дайсан болж, намайг түүнтэй холбосноор бас дайсан болгох бодолтой байна. Энэ чинь бидний ярьдаг нөгөө Лоохууз, Сурмаажав, Лхүмбийн гэх тодотголтой хэлмэгдүүлэлт үргэлжилж байгаагийн шинж.

-Би хэзээ ч  намаасаа гарахгүй. Яагаад гэвэл таван нам нийлж одоогийн АН-ыг бий болгосон. Тэр үед би МоАН-ын дарга байлаа. Бүгд л нэгдэх хүсэлтэй байсан цаг. Миний хувьд манай намын нэрээр     явахгүй гэвэл нэгдэхгүй гэсэн шаардлага тавьсан юм. Энэ саналыг хүлээн авч манай намын нэрээр өнөөг хүртэл явж байгаа. Тиймээс  өөрийн байгуулсан           намаасаа татгалзахгүй. Харин ч улам бэхжүүлэхийн төлөө ажиллана шүү.