УИХ-ын гишүүн, Хүн ам хөгжил, нийгмийн хамгааллын сайд С.Эрдэнэ
2012.08.20
С.Эрдэнэ: Сөрөг хүчиндээ зориулж баталсан хууль нь өөрсдөд нь гай болж байна
УИХ-ын гишүүн, Хүн амын хөгжил, нийгмийн хамгааллын сайд С.Эрдэнээс дараахь тодруулгыг авлаа.
-Засгийн газар байгуулагдаж, та кабинетад нь багтаж ажиллахаар боллоо. Салбараа хэрхэн удирдаж ажиллах вэ?
-Энэ салбарыг удирдахын тулд хүн амын хөгжил гэдэг юу юм бэ гэдгийг тодорхойлж гаргаж ирэх хэрэгтэй. Үүнтэйгээ уялдуулан намынхаа Монгол хүнийг хөгжүүлэх мөрийн хөтөлбөрийг барьж ажиллана. Манай намын бодлого, мөрийн хөтөлбөр тодорхой учраас энэ дагуу л ажиллах болно.
-Засгийн газар байгуулагдсан ч эвсэлд хамтрах намууд нэрсээ оруулж ирсэнгүй. Энэ нь М.Энхсайхан даргыг АН-ынхан хүлээж авахгүй байгаагаас үүдэн эвслийн бүлгийг сайдынхаа нэрийг оруулж ирээгүй гэсэн яриа байна?
-Яг одоогийн байдлаар "Шударга ёс" эвслийнхэн эцсийн саналаа нэгтгээгүй байгаа юм билээ. Тэгэхээр тухайн эвслээс тэр орж ирнэ, ирэхгүй гэж урьдчилан ярих боломжгүй. АН-ынхан М.Энхсайханыг эсэргүүцнэ гэхэд бас хэцүү л дээ. Нэгэнт намуудын хооронд гэрээ байгуулчихсан учраас үгүй гэхэд хүнд байх болно. Гэхдээ эвслийн бүлэг маань энэ асуудлыг бодолцож тодорхой шийдвэрийг гаргах байх гэж бодож байгаа. Тэгээд ч манай намынхан танайхаас тийм хүн оруулж ир. Тэрийг оруулж ирвэл хүлээж авахгүй гэсэн байр суурь илэрхийлээгүй байна.-Одоо дэд сайд нарын асуудал байгаа?
-Дэд сайд, төрийн нарийн бичгийн дарга нарын асуудал огт яригдаагүй. Засгийн газар бүрэн бүрэлдэхүүнээрээ байгуулагдсаны дараа л энэ талаар ярих байх даа.-Ардчилсан Засгийн газрын онцлог нь олон агентлагийг татан буулгаж, зарим яамыг нэмж байгуулсан нь хэл амны бай болоод байна?
-Нийт 43 агентлаг байснаас 28-ыг нь үлдээе. Чиг үүрэг давхардсан 15 агентлагийг татан буулгаж яамандаа авч ирье л гэж байгаа. Яг үнэндээ чиг үүрэг давхардсан эдгээр агентлагууд яамнаасаа нүсэр бүтэцтэй, асар их зардал мөнгө гаргадаг. Үүнийг л аль болох цомхон, чиг үүргийг нь тодорхой болгох гэж байгаа юм. Би үүнийг 100 хувь дэмжсэн. Яагаад гэхээр зарим агентлагууд яамтайгаа чиг үүрэг нь давхардсан байдаг гэж хэлсэн дээ. Тэгээд аль нь гол байгууллага нь юм гэдэг нь мэдэгдэхээ больчихсон. Тиймээс л өөрчлөлт шинэчлэлтийн эхний ийм том алхмыг хийх гээд байгаа юм.-Одоогийн байдлаар ямар агентлагууд татан буугдаж байгаа юм болоо?
-15 агентлаг байгаа. Гэхдээ эдгээр агентлагууд татан буугдлаа гэхэд чиг үүрэг, эрхэлж байсан ажлыг нь хийлгэхгүй байна гэсэн үг биш. Яам нь чиг үүргийг нь дангаараа аваад явах боломжтой байгаа. Ийм л байр суурьтай ажиллахаар болж байгаа.-Мэргэжлийн хяналтын газрыг татан буулгаж байгаа нь ихээхэн буруу алхам гэж үзэх хүн цөөнгүй байна. Энэ газрыг татан буулгалаа гэхэд салбарын ажлуудад яаж хяналт тавина гэсэн үг вэ?
-Ц.Нямдоржоос эхлээд л ярьж байна л даа. Учир утгагүй баахан яам байгуулж төрийн бүтцийг данхайлгалаа гээд. Яг үнэндээ урьд нь яамны тоог цөөхөн харагдуулаад цаана нь төрийн бүтэц зохион байгуулалтыг асар их данхайлгасан үйл ажиллагаа явуулж байсан. 43 агентлаг 11 яамтай байсан бол одоо 28 агентлаг 16 яам болж байгаа. Тоон үзүүлэлтээр нь аваад үзсэн ч тэр төрийн нүсэр үзүүлэлт бараг арваад нэгжээр буурч байгаа. Үүнийгээ дагаад тодорхой тооны төсөв, орон тоо хэмнэгдэх боломж бүрдэнэ. Харин Мэргэжлийн хяналтын газрын хувьд гэвэл чиглэлийн яамдад нь мэргэжлийн хяналтыг нь өгөх нь зүйтэй юм гэж үзэж байгаа. Нэг үгээр хэлбэл барилгын хяналтыг Барилга хот, байгуулалтын яаманд өгөх нь зөв гэж дүгнэж байна.Одоогийн байгаа Мэргэжлийн хяналтын газрын бүтэц оновчтой биш байна. Чиг үүргийн хувьд ч гэсэн хэт ерөнхий, орохгүй асуудал байхгүй болчихож. Ялангуяа иргэдийн хувьд, аж ахуйн нэгжүүдэд ч гэсэн Мэргэжлийн хяналтын газар асар их дарамт үзүүлдэг шүү дээ. Яриад байвал олон муу жишээг Мэргэжлийн хяналтын газар дээр ярьж болно. Гэхдээ нэг зүйлийг өөрчлөхийн тулд муу муухайг нь дуудаад яах вэ дээ. Энэ мэт асуудлыг л арилгахыг хүсч байгаа юм, АН-ынхан. Харин бусад татан буулгаж байгаа агентлагууд бол мэргэжлийн түвшинд орхигдсон байдаг учраас ийм шийдвэрээр өөрчлөгдөж байгаа юм. Соёл урлагийн газар л гэхэд яах гээд байгаа нь мэдэгдэхгүй нэг газар байна. Тиймээс яаман дээр нь төвлөрүүлж том бодлогоор энэ орхигдсон салбаруудыг хөгжүүлэх нь зүйтэй гэж үзэж байгаа.
-УИХ, Засгийн газар байгуулагдчихлаа. Гэтэл МАН бүлэггүй байсаар байна. Энэ асуудлыг яаж шийдвэрлэх ёстой вэ?
-МАН-ын бүлэг нэгэнт хууль зөрчсөн. Хуулиар бүлгээ байгуулах, улмаар бүлэгтэй намаас УИХ-ын дэд дарга сонгогддог гэсэн олон боломжуудыг өөрсдөө үгүй хийсэн. Хуулийн хугацаандаа бүлгээ байгуулж УИХ-ын даргад өргөн мэдүүлээгүй. Тиймээс МАН-ын бүлэг байгуулах боломж хуулиараа хаагдсан. Үүн дээр нэг их гомдоллоод, хуулийг өөрчилж тайлбарлах гэж оролдоод байх шаардлагагүй л дээ.-Ер нь яагаад заавал 24 цагийн дотор бүлгээ мэдүүл гээд хуульд заачихсан байдаг юм болоо?
-Яахав 24 цаг гэдэг хугацаа бол УИХ-д суудалтай намуудын үйл ажиллагааг жигдрүүлэхээр хийгдсэн гэж ойлгож байгаа. Гэхдээ тухайн үед энэ хуулийг АН биш МАН-ынхан өөрсдөө баталсан байдаг. Тэгэхэд Ц.Нямдорж УИХ-ын дарга байсан санагдаж байна. Тэр үед тухайн үеийн МАХН, өнөөгийн МАН үнэмлэхүй олонхи байхдаа энэ хуулийг баталж байсан. Тухайн үеийн сөрөг хүчиндээ зориулж хийсэн заалт нь эргээд өөрсдөд нь гай болж байгаа байхгүй юу. Түүнийгээ өнөөдөр өөр өнцгөөс тайлбарлах гээд байх юм даа. Мөн Үндсэн хуулиараа УИХ-д наймаас дээш суудалтай нам автоматаар бүлэг байгуулдаг байсан л юм бол 2004 онд АН-ыг 20 гаруй гишүүнтэй байхад яах гэж бүлэггүй дөрвөн жил явуулсан юм. Энэ хуулийн заалтыг л барьж АН-ыг бүлэггүй байлгасан. Тэгээд ч энэ заалт АН-ынханд үйлчилдэг МАН-ынханд үйлчилдэггүй байх ёстой юу.-Одоо тэгээд МАН-ынхан бүлэг байгуулах хуулийн төсөл өргөн барих нь ээ?
-Уг нь би хуульч хүн л дээ. Хууль гарлаа гэхэд дандаа урагшаа үйлчилдэг шиг санагдаж байна. Эргэж үйлчиллээ гэхэд тухайн баталж байгаа хуульдаа зааж өгөх байх. "Энэ хууль зөвхөн МАН-д эргэж үйлчилнэ" ч гэдэг юм уу. Тийм нарийн заалтыг оруулж байж л МАН бүлэгтэй болох учиртай. Түүнээс биш аливаа батлагдсан хууль дандаа урагшаа үйлчилдэг юм.0ЭКСПЕРТсэтгэгдэл
Сэтгэгдэл оруулахын тулд та хэрэглэгчийн эрхээр нэвтэрнэ үү.
Экспертүүдийн сэтгэгдэл
Одоогоор сэтгэгдэл нэмэгдээгүй байна.