НИТХ-аас Хотын даргад С.Мөнхчулууныг томилох шийдвэрийг /2019.01.16/ төлөөлөгчдийн олонхийн саналаар гаргасан билээ. Улмаар НИТХ-ын дарга С.Амарсайханы зүгээс С.Мөнхчулууныг хотын даргаар батламжлуулах бичгийг 2019.01.24-ны өдөр Ерөнхий сайд У.Хүрэлсүхэд илгээсэн юм. Харин Ерөнхий сайд У.Хүрэлсүхийн зүгээс С.Мөнхчулууныг хотын даргад батламжлах эсэх шийдвэрээ албан ёсоор өгөөгүй байна.

Бүр С.Мөнхчулууныг Хотын даргад батламжлуулах бичгийг НИТХ-руу буцаасан гэх мэдээлэл гараад байгаа билээ.

Бид С.Мөнхчулуунтай холбогдож энэ талаар тодруулахад 

“Батламжлуулах бичиг буцсан гэдэг нь худал. Надад мэдэгдсэн зүйл алга. Бичиг 24-ны өдөр буюу өнгөрсөн долоо хоногийн пүрэв гаригт Ерөнхий сайдад очсон гэсэн. Тэгэхээр бичиг очсоноос хойш үндсэндээ ажлын нэг л өдөр өнгөрөөд байна. Ерөнхий сайд ажлын 3-10 хоногт багтаан шийдвэрлэнэ гэж итгэж байна” гэлээ.