Эрчим хүчний сайд Ц.Даваасүрэн Люксембургийн их гүнт улсад албан ёсны айлчлал хийж байна
2019.03.29

Эрчим хүчний сайд Ц.Даваасүрэн Люксембургийн их гүнт улсад албан ёсны айлчлал хийж байна

Эрчим хүчний сайд Ц.Даваасүрэн Люксембургийн Их Гүнт Улсад хийх айлчлалын хүрээнд Делсенбург хотод байрлах Европын хөрөнгө оруулалтын банканд ажиллав.Айлчлалын бүрэлдэхүүнд Эрчим хүчний сайдын зөвлөхЦ.Сүхбаатар, яамны Сэргээгдэх эрчим хүчний хэлтсийн даргаО.Бавуудоржнар багтсан юм.

Сайд Ц.Даваасүрэн Европын хөрөнгө оруулалтын банкны дэд ерөнхийлөгч ноён Александр Стаббтай уулзаж Монгол Улсын эрчим хүчний салбарын онцлог, өнөөгийн байдал болон энэ салбарт Европын хөрөнгө оруулалтын банктай хамтран ажиллах боломжийн талаар санал солилцов. Дээрх уулзалтад Монгол Улсаас Люксембургийг хамааран суугаа элчин сайд О.Оч болон холбогдох албаны хүмүүс оролцлоо. 

Эрчим хүчний сайд Ц.Даваасүрэн болон Европын хөрөнгө оруулалтын банк Монгол Улсын эрчим хүчний салбарт ухаалаг эрчим хүчний шийдэл нэвтрүүлэх, эрчим хүчний үр ашгийг нэмэгдүүлэх, сэргээгдэх эрчим хүч түүний дотор усан цахилгаан станц, усан цэнэгт станцыг хөгжүүлэхэд хамтран ажиллах бололцоотой талаар санал солилцов.