Д.Сарангэрэл 2019.07.29 | TV5

"Эрүүл шүд -Эрүүл хүүхэд" үндэсний хөтөлбөрт 39.417 хүүхэд хамрагджээ

"Эрүүл шүд -Эрүүл хүүхэд" үндэсний хөтөлбөрт 39.417 хүүхэд хамрагджээ

Засгийн газрын баталсан “Эрүүл шүд-Эрүүл  хүүхэд” үндэсний хөтөлбөрт энэ оны хагас жилийн байдлаар нийт 39 мянга 417 хүүхэд хамрагджээ. Эдгээр хүүхэд амны хөндийн үзлэг, эмчилгээ оношилгоо гэсэн үйлчилгээ авсан байна.

Хөтөлбөрийг 2019-2023 онд, таван жил хэрэгжүүлэх бөгөөд, 2-12 насны хүүхдийн шүдийг эмчилж, эрүүлжүүлэн, хүн амыг амны хөндийн эрүүл ахуйг сахих дадал хэвшилд сургах, шүдний өвчлөлөөс урьдчилан сэргийлэх зорилготой юм. Монгол Улсад 2-12 насны 725 мянган хүүхэд байгаа бөгөөд эхний ээлжид буюу 2019 оныг дуустал 2-6 насны хүүхдийг хөтөлбөрт хамруулах юм. Монгол Улсад 2-6 насны 366 мянган хүүхэд байгаа юм.

Эл хөтөлбөрийг хэрэгжүүлэх хугацаанд  хүүхдийн шүдний өвчний тархалтыг 30 хувиар, цоорлын эрчмийг дөрвөн нэгжээр бууруулах зорилготой аж.