Монгол Улсын Их Хурлын Хүний хөгжил, нийгмийн бодлогын байнгын хороо өчигдөр (2025.09.30) хуралдаж ЭМДҮЗ-ийн 2024 оны үйл ажиллагааны тайланг хэлэлцэв.

Хэлэлцэж буй асуудалтай холбогдуулан гишүүд асуулт асууж, санал дэвшүүлэв.

УИХ-ын гишүүн Д.Бум-Очир:

Эрүүл мэндийн даатгалын сангийн гол асуудал нь миний ойлгож байгаагаар сангийн мөнгийг хэрхэн хүргэх, яаж мөнгөтэй байлгах вэ, ирээдүйн бүрэн нөөцтэй, хуримтлалтай байхад оршино. Үүний ард мэдээж эрүүл мэнд, амь насны тухай асуудал бий. Энэ зорилгод хэзээ, яаж хүрэх вэ? Хэмнэх тухай өмнөх болоод одоогийн сайд нар ярьж байна.

Нэгд, хуулийн цоорхойгоо арилгаж хэмнэх

Хоёрт, ЭМДС-д төвлөрч байгаа эх үүсвэрийг яаж нэмэгдүүлэх боломжтой вэ?

Даатгалд хамрагддаггүй хүмүүс бий. Энэ хүмүүсийг даатгалд хамруулах, малчид, хувиараа бизнес эрхлэгчид, оюутнууд байх уу гээд. ЭМДС-ийн орлого хуримтлуулж байгаа зүйлсийг цаашид хэрхэн нэмэгдүүлэхийг бодлогоор шийдэж авч явах нь зүйтэй.

Эрүүл мэндэд ноцтой хохирол учруулах замаар өвчлөлийг нэмэгдүүлж буй хүнсний бараа бүтээгдэхүүнүүд бий. Тухайлбал, давс, чихэр, гаазтай ундаа, тамхи гээд онцгой албан татвар авч буй.

ДЭМБ-аас манай улсад өгч байгаа зөвлөмж нь уг татварыг ЭМДС дээр татаж, сангаа санхүүжүүлэх боломжит туршлагын тухай байдаг.

Чихэр, гаазтай ундаанаас үүдэлтэй өвчлөлийг эргээд онцгой татвараас нь гаргасан мөнгөөр нь арилгах, анагаахад зарцуулдаг байх ёстой болов уу. Энэ чиглэлийн бодлого, зохицуулалтууд ямар шат дараатай явах вэ?

Түүний асуултад Эрүүл мэндийн сайд Ж.Чинбүрэн хариуллаа.

Д.Бум-Очир: ЭМДС-ийн эх үүсвэрийг эрүүл мэндэд ноцтой хохирол учруулдаг хүнсний бүтээгдэхүүний ОАТ-р нэмэгдүүлэх нь зүйтэй