УИХ-ын чуулганы /2026.06.04/-ний өдрийн хуралдаанаар Мансууруулах эм, сэтгэцэд нөлөөт бодисын эргэлтэд хяналт тавих тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүдийг хэлэлцлээ.

Хэлэлцэж буй асуудлаар УИХ-ын гишүүн С.Одонтуяа асуулт асуулаа.

Өнгөрсөн 4 жилд энэ асуудал дээр УИХ анхаарч орж ирсэн төсвүүдийг нь батлаад, бүтэц орон тоог шинэчилж өгч байсан. Сайн үр дүнгүүд гарсан гэсэн. Сүүлийн үед сошиалаар "хар тамхины, зохион байгуулалттай, ийм бүлэглэлийг илрүүллээ, тийм бүлэглэлийг илрүүллээ" гэж байгаа таашаалтай байгаа. ТЕГ цагдаа холбогдох байгууллагуудад баяр хүргэмээр байна. Өөрөөр хэлбэл мэдээллүүд сайн явах нь урьдчилан сэргийлэхэд их чухал. 2026 онд орж ирсэн хар тамхитай тэмцэх төсвүүдийг дийлэнхийг нь хассан. Энэ мэт хамаг төсвийг нь хасчхаад матрын нулимс унагаагаад байх нь сонин. Нэгт, ашиг олох зорилгоор хууль бус үйл ажиллагаа явуулж байгаа төрийн албан хаагчдад ямар хариуцлага өнгөрсөн хугацаанд ноогдуулж чадсан юм бэ? Шинэ хуулиар ийм байсныг ингэж чангатгаж байгаа юм аа гэдгийг сонсмоор байна!

Хоёрт, 11.1.7-д заалтыг хасах хэрэгтэй. Энэ заалтыг дэмжиж лоббиддог хүмүүс маш их байдаг. 11.1.7-д заасан үйл ажиллагаа эрхлэх тусгай зөвшөөрлийг зөвхөн хуулийн 11.1-д заасан үйл ажиллагаа эрхлэх тусгай зөвшөөрөлтэй хуулийн этгээдэд олгож болно гэсэн заалт юм. Үүнийг хасахгүй бол каннабисын төрлийн ургамлыг эрдэм шинжилгээ үйлдвэрлэлийн зорилгоор тариалах гэсэн асуудал гардаг. Манайд үүнийг бүрэн хяналтдаа авах боломж байдаггүй!

Гуравт, хууль хүчний болон эрүүл мэндийн байгууллагын чиг үүргийг маш тодорхой заачихсан байгаа хэр нь боловсрол, шинжлэх ухаан, ХАА г.м бусад байгууллагын чиг үүрэг нь огт байхгүй. Үүнийг нарийвчлан тусгаж болоогүй юм уу?

С.Одонтуяа: Гишүүд дэмжих ёстой гэж байгаа ч 2026 онд Та бүхэн хар тамхитай тэмцэх бүх төсвийг нь хассан шүү!