Өнөөдөр Төрийн ордны гадаа МАН-ын гишүүд жагсаж дотогш хүн оруулахгүй байгаа. Тиймээс зарим УИХ-ын гишүүд ажилдаа очиж чадахгүй, чуулганы ирц бүрдэхгүй байна. Харин УИХ-ын гишүүн С.Баярцогт арга сэдэж Төрийн ордон руу оржээ.   Тэрбээр жинсэн өмд, цагаан пүүз, саравчтай малгай, хар нүдний шилээр өөрийгөө далдлах гэсэн ч жагсагчид түүнийг таньжээ. Уг нь Засгийн газрын  ордон руу албаны бус жинсэн өмдтэй орохыг хориглодог.  Гэсэн ч С.Баярцогт гишүүн аялагчийн хувцастай яаж ийж байгаад Төрийн ордон руу нэвтэрч чадсан байна.