УИХ-ын гишүүн Д.Батлут Орхон аймгийн Баян-Өндөр сумын Шанд, Даваат багийн иргэдтэй уулзаж байна. Ингэснээр Орхон аймгийн 7 багийн нийт 1500 орчим иргэнтэй уулзаж, УИХ-ын гишүүний ажлын тайлангаа танилцуулан, иргэдийнхээ санал хүсэлтийг сонсож ажиллалаа.

Иргэдээс ирүүлсэн санал хүсэлт:

• Багийнхаа цэцэрлэгийн хүртээмжийг сайжруулж, шинэ цэцэрлэг барих
• Агаарын бохирдлыг бууруулахад бодит ажлыг тусгах
• Инженерийн шугам сүлжээнд гэр хорооллын өрхүүдийг холбох
• Эмнэлгүүдийн цаг товлох үйлчилгээг эмчийн ачаалалтай оновчтой уялдуулж цаг олгох
• Хувийн эмнэлгүүдэд ЭМД сангаас хязгаар тогтоосноор ахмадууд хэвтэн эмчлүүлж чадахгүй байгаа зэрэг асуудлаар саналаа илэрхийлж, хариулт авлаа.
• Өнөөдрийн иргэдээс гарсан санал хүсэлтийг миний биеэс гадна, Эрдэнэт хотын орлогч Б.Мөнхдалай, Орхон аймгийн Хамтын ажиллагаа, гадаад дотоод төсөл хөтөлбөр хариуцсан удирдагч Б.Оюун-Эрдэнэ, Баян-Өндөр сумын засаг дарга Б.Мөнхбаяр болон тус багуудаас сонгогдсон аймаг, сумын төлөөлөгчид сонсож, бүх шатны түвшинд хамтран ажиллаж, шийдвэрлэх боломжтой асуудлуудыг бодит ажил болгохоо илэрхийллээ.

УИХ-ын гишүүн Д.Батлут: 

Өнгөрсөн хугацаанд Шанд багийн иргэдээс нийт 76 хүсэлт ирүүлснээс 51 хүсэлтийг, Даваат багийн иргэдээс нийт 119 хүсэлт ирүүлсний 83-ыг нь бүрэн шийдвэрлэсэн. Эдгээр багуудад өрхийн үйлдвэрлэл, бичил бизнесийг дэмжих төслийн хүрээнд нийт 102 өрхөд шаардлагатай тоног төхөөрөмжийн дэмжлэгийг үзүүлж, өрхийн амжиргааг дэмжиж, өөртөө ажлын байр бий болгох боломжийг олгосон.