2025.04.25
Боловсрол, Соёл, спорт, залуучууд
НҮҮДЛИЙН СОЁЛ ИРГЭНШЛИЙГ СУДЛАХ ОЛОН УЛСЫН ХҮРЭЭЛЭН БИОАРХЕОЛОГИЙН ЛАБОРАТОРИ БОЛОН НОМЫН САНГИЙН ТАНХИМТАЙ БОЛЛОО
Улсын Их Хурал дахь Монгол-Туркийн парламентын бүлгийн даргын хувиар УИХ-ын гишүүн С.Зулпхар ЮНЕСКО-ын ивээл доорх Нүүдлийн соёл иргэншлийг судлах Олон улсын хүрээлэнд ТИКА -ийн зүгээс байгуулсан биоархеологийн лаборатори болон номын сангийн төслийн нээлтийн ёслолын ажиллагаанд оролцлоо.
Төслийн нээлтийн арга хэмжээнд тус хүрээлэнгийн эрдмийн зөвлөлийн дарга, УИХ-ын гишүүн, Проф. Др Д.Бум-Очир, Соёл, спорт, аялал жуулчлал, залуучуудын яамны Соёлын өвийн бодлого зохицуулалтын газрын дарга Б.Даваацэрэн, БНТУ-аас Монгол улсад суугаа Онц бөгөөд бүрэн эрхт Элчин сайд Башак Гэнч Юксэл, ТИКА-ийн дэд ерөнхийлөгч Др. Үмит Нажи Ёорулмаз, ТИКА-ийн Төв Ази, Кавказын орнуудыг хариуцсан газрын дарга Дp. Али Өзгүн Өзтурк, ТИКА-ийн Улаанбаатар дахь хөтөлбөр зохицуулагч Али Муслу нар болон эрдэмтэн судлаачид оролцсон юм.
