УИХ-ын гишүүд
2017.10.20
Улстөр
Эрх баригч намын бүлгийн талцлын талаар гишүүд юу гэв?
Бүлэг дотроо хоёр болон хуралдаж байгаа нөхцөл үргэлжилж буйг УИХ-ын гишүүн Б.Бат-Эрдэнэ онцоллоо. Гишүүд энэ асуудлаар ямар байр суурьтай байна вэ?
УИХ-ын гишүүн Н.Учрал: Засгийн газраас нэг л зүйлийг хүсч байна. Өмнө нь энэ засагт орж ажиллахгүй, намаас хөөх хэрэгтэй гэж байсан хүмүүс чинь сайд болцгоочихлоо. Нэгнээ хүндэтгэж кабенэтийн зарчмаар ажиллаасай гэж хүсч байна.
УИХ-ын гишүүн Х.Нямбаатар: Миний хувьд хуваагдсан гэж ойлгохгүй байна. Би лав хоёр талд бүлэгт хуваагдаагүй. 65-ын бүлгийн хуралд өнгөрсөн долоо хоногт суусан.
УИХ-ын гишүүн Г.Мөнхцэцэг: Ер нь бол нам гэж нэг л толгойтой, хоёр талд хуваагдаад гэх мэт асуудлууд байхгүй гэж харж байна.
УИХ-ын гишүүн С.Эрдэнэ: 33 ийн тал нь 60 хувь 32 талын тал нь 40 хувь 40, 60 аар хуваагдаад л засаг байгуулчлаа. Тэгэхээр хэр эвтэй байх бол гэдэг талаасаа хэцүү харагдаж байна.
