ОХУ-ын Иргэний танхимын гишүүн Дмитрий Носовыг хүлээн авч уулзав
2017.10.25
Гадаад харилцаа

ОХУ-ын Иргэний танхимын гишүүн Дмитрий Носовыг хүлээн авч уулзав

УИХ-ын дэд дарга Л.Энх-Амгалан өнөөдөр (2017.10.25) ОХУ-ын Иргэний танхимын гишүүн Дмитрий Носовыг хүлээн авч уулзав.

Уулзалтын эхэнд УИХ-ын дэд дарга Л.Энх-Амгалан “Олимпийн хүрэл медальтай, нийгмийн идэвх зүтгэлтэй хүнтэй уулзаж байгаадаа таатай байна. Тамхины эсрэг тэмцэж, нийгмийн сайн сайхны төлөө олон улсын төсөл, хөтөлбөр хэрэгжүүлж байгааг Монгол Улсын Их Хурал дэмжин ажиллах болно.

Монгол Улс 2003 онд Дэлхийн эрүүл мэндийн байгууллагын Тамхины хяналтын суурь конвенцид нэгдэн орсон. Мөн “Тамхигүй хүүхдүүд” олон улсын байгууллагын гишүүн орон, Евроазийн “Тамхигүй ирээдүй” хөтөлбөрт манай улс хамрагдаж Тамхины хяналтын тухай хууль дээр хамтарч ажиллаж байгаа. Та бүхэн ОХУ-д хэрэгжүүлсэн хөтөлбөр, туршлагаасаа манай улстай хуваалцаж байгаад УИХ-ын нэрийн өмнөөс талархал илэрхийлье” гэлээ.

Ноён Дмитрий Носов УИХ-ын дэд дарга Л.Энх-Амгаланг хүлээн авч уулзаж буйд талархал илэрхийлээд, тамхины эсрэг хэрэгжүүлдэг үйл ажиллагааныхаа талаар товч мэдээлэл өгөв. Мөн ОХУ-ын Тамхины хяналтын тухай хуулийг танилцуулав.

Уулзалтаар талууд тамхигүй орчинг бүрдүүлэх талаар санал солилцож, хамтран ажиллахад бэлэн байгаагаа илэрхийллээ.

Уулзалтад ОХУ-ын ЭМЯ-ны Эрдэм шинжилгээний хүрээлэнгийн хуульч Виктор Зыков, УИХ-ын гишүүн Б.Саранчимэг, “Монгол Улсад тамхины хяналтын эрх зүйн орчныг сайжруулах нь” төслийн зохицуулагч Б.Туяа, тус төслийн хуулийн зөвлөх Д.Инжинаш нар байлцлаа гэж УИХ-ын Хэвлэл мэдээлэл, олон нийттэй харилцах хэлтэс мэдээлэв.

ШИНЭ МЭДЭЭ

УИХ-ын гишүүн Б.Саранчимэг хүүхэд хамгаалал хөгжлийн төвүүдэд ажиллалаа 2018.12.27
2019 оныг “Хүүхэд хамгааллын жил” болгоно 2018.12.26
Ерөнхий сайд Хоккайдогийн их сургуулийн оюутнуудтай уулзлаа 2018.12.16
УИХ-ын гишүүн Б.Саранчимэг өрхийн эмнэлгүүдэд тоног төхөөрөмж хүлээлгэн өглөө 2018.12.05
Боловсролын тухай хуульд нэмэлт, өөрчлөлт оруулах тухай хуулийн төслийг өргөн барилаа 2018.11.21
Амьтан, ургамал, тэдгээрийн гаралтай түүхий эд, бүтээгдэхүүнийг улсын хилээр нэвтрүүлэх үеийн хорио цээрийн хяналт, шалгалтын тухай хуулийг эцэслэн баталлаа 2018.11.15
Эх, хүүхдийн эрүүл мэндийн тухай хуулийн төслийн хэлэлцүүлэг боллоо 2018.11.14
УИХ-ын 13 эмэгтэй “Эмэгтэй гишүүдийн бүлэг” байгуулжээ 2018.11.05
Б.Саранчимэг: Албадан эмчлэх хугацаа хангалттай биш байна 2018.11.01
УИХ-ын гишүүн Б.Саранчимэг Канадын Элчин сайд Дэвид Уиллиам Спрултай уулзлаа 2018.10.29
Б.Саранчимэг: Газрын доройтол, цөлжилтөд ямар арга хэмжээ авч, хэдэн төгрөг зарцуулах вэ? 2018.10.23
УИХ-ын эмэгтэй гишүүд ХБНГУ-ын БХЯ-ны сайд, доктор Урсула Фон Дер Лайентэй уулзав 2018.10.22
УИХ-ын гишүүн Л.Болд, Б.Саранчимэг нар ОУПХ-ны салбар хуралдаанд оролцлоо 2018.10.18
Шатрын тэмцээнд УИХ-ын Тамгын газар тэргүүллээ 2018.10.15
Цэргийн албан хаагчийн тэтгэвэр, тэтгэмжийн тухай хуулийг хэлэлцэхийг дэмжлээ 2018.10.11
Хүүхэд хамгааллын асуудлаар төрийн байгууллагын удирдлагуудтай дахин уулзаж, ярилцав 2018.10.10
Хүүхэд хамгааллын асуудлаар төрийн байгууллагын удирдлагуудтай дахин уулзаж, ярилцав 2018.10.08
Хүсэлт гаргасан хүүхэд бүрт “Хүүхдийн мөнгө” олгох Тогтоолын төсөл өргөн барилаа 2018.10.05
Оюун ухааны "дайн"-д манайхан хэрхэн "байлдаж" байна 2018.10.03
Байнгын хорооны дарга Ё.Баатарбилэг мэргэжлийн боловсролын салбарын багш нарын баярын нэгдсэн арга хэмжээнд оролцлоо 2018.10.03