МОНГОЛ УЛСЫН ИХ ХУРЛЫН ГИШҮҮН

УИХ-ын байнгын хорооны ажлын хэсгийнхэн нийслэлд ажиллаж байна
2018.01.13
Аялал жуулчлал, Байгаль орчин, уур амьсгалын өөрчлөлт

УИХ-ын байнгын хорооны ажлын хэсгийнхэн нийслэлд ажиллаж байна

УИХ-ын Байгаль орчин, хүнс, хөдөө аж ахуйн байнгын хороо, Нийгмийн бодлого, боловсрол, соёл, шинжлэх ухааны байнгын хорооны “Агаарын бохирдлыг бууруулах” дэд ажлын хэсгүүд өнөөдөр агаарын бохирдол ихтэй дүүргүүдэд ажиллаж байна. Ажлын хэсгийнхэн НЗДТГ-ын хурлын зааланд цугларч, агаарын бохирдол ихтэй дүүргүүдийн товч танилцуулга болон гэр хорооллын дахин төлөвлөлт, дэд төвүүдийн ажлын цаг үеийн мэдээллийг сонсч, тулгамдаж буй асуудалтай танилцсан юм.

Эхний ажлын хэсгийг УИХ-ын Байгаль орчин, хүнс, хөдөө аж ахуйн байнгын хорооны дарга Л.Элдэв-Очир ахалж байгаа юм. Түүний ахалсан ажлын хэсэг Баянзүрх, Хан-Уул дүүрэгт ажиллана. Тэрбээр “Гэр хорооллын өрхүүдийн гаргаж буй утаа нийслэлийн агаарын бохирдлын 80 хувийг бүрдүүлж байна. Тиймээс утааны эх үүсвэрийг бууруулах чиглэлд гол ажлаа төвлөрүүлэх ёстой. Зуух, түлш ярихаар хүмүүс хэт улс төржүүлдэг. Бид улс төржиж, бүх иргэдээ орон сууцанд оруулах талаар ярьж болно. Гэхдээ бидэнд бодит шийдэл, үр дүн хэрэгтэй. Үүнийг шийдвэрлэх богино хугацааны ажил бол сайжруулсан зуух, түлшний асуудал. Нийслэлээс агаарын бохирдлыг бууруулахад хамгийн их нөлөө үзүүлэх, олон улсын хийгээд дотоодын стандарт, шаардлагад нийцсэн зуух үйлдвэрлэгч компаниудыг шалгаруулж, УИХ-д танилцуулах хэрэгтэй. Мөн сайжруулсан түлш үйлдвэрлэгч аж ахуйн нэгжүүдийг ч шалгаруул. Цаашдаа шинэ сууршлийн бүс бий болгох, орон сууцжуулах ажлаа зохион байгуулна” гэлээ.

Ажлын хэсгийнхэн Агаарын бохирдлыг бууруулах чиглэлээр үйл ажиллагаа явуулдаг байгууллагын бүтээгдэхүүн, 100 кВт-с дээш хүчин чадалтай уурын зуух ашиглагч байгууллага, Амгалан дулааны станцын үйл ажиллагаатай танилцана. Мөн өөрийн хөрөнгөөр дулаалга, цахилгаан халаагуурын төслийг хэрэгжүүлсэн Баянзүрх дүүргийн иргэн н.Хаш-Эрдэнийд зочилох юм.

Хоёр дахь ажлын хэсгийг УИХ-ын гишүүн Д.Оюун-Эрдэнэ ахалж байгаа бөгөөд өнөөдөр Чингэлтэй, Сүхбаатар дүүрэгт ажиллана. Тэд агаарын чанарын хэмжигч суурин харуулын үйл ажиллагаа, “Яндангүй байшин” төслийн хэрэгжилт, их хэмжээгээр утаа, агаарын бохирдол үүсгэдэг уурын зуухаар ажиллаж буй нэгжийг хааж, буулгах ажлын явцтай танилцахаас гадна төвлөрсөн дулаан хангамжид холбох шаардлагатай ерөнхий боловсролын сургууль дээр очих юм.

Ажлын хэсгүүдэд БОАЖЯ, ЭМЯ, ЭХЯ, НЗДТГ-ын төлөөлөл багтсан бөгөөд агаарын бохирдлыг бууруулах чиглэлээр санал санаачилга гаргах, одоо хэрэгжүүлж буй бодлого, төсөл хөтөлбөрүүдийн үр дүнг тодорхойлох зорилготой юм гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

ШИНЭ МЭДЭЭ

МАН-ын Удирдах зөвлөл Засгийн газрыг огцруулах шаардлагагүй гэж үзлээ 2018.11.27
Сэргээгдэх эрчим хүчний тухай хуульд нэмэлт өөрчлөлт оруулах тухай хуулийн төслийг өргөн барилаа 2018.10.30
ЖДҮ-ийг дэмжих тухай хуулиар АН бүлэг 5 хоногийн завсарлага авлаа 2018.10.26
УИХ-ын гишүүдийн өргөн мэдүүлсэн Валютын зохицуулалтын тухай хуулийг хэлэлцэхийг дэмжлээ 2018.10.19
Монгол Улсын Ерөнхийлөгчийн санаачилсан хуулийн төслийг хэлэлцэхийг дэмжлээ 2018.10.16
Жижиг, дунд үйлдвэр, үйлчилгээг дэмжих тухай хуулийн төслийн анхны хэлэлцүүлгийг хийлээ 2018.10.16
Унгар Улсын Үндэсний Ассамблейн гишүүн Хорват Ласлог хүлээн авч уулзав 2018.08.31
Богд хан уул, Туул голын эрэг орчмын асуудлыг цэгцлэх талаар Засгийн газарт чиглэл өгөн, хяналт тавин ажиллаж байна 2018.07.03
Валютын зохицуулалтын тухай хуулийн шинэчилсэн найруулгын төслийг өргөн мэдүүллээ 2018.06.28
Хүүхэд хамгааллын тухай хуульд нэмэлт оруулах тухай хуулийн төслийг танилцууллаа 2018.06.21
“Цахим орчинд хатуу хязгаарлалт биш ухаалаг, тэнцвэртэй зохицуулалт хэрэгтэй” 2018.05.04
Хотын дахин төлөвлөх гарц нь гэр хорооллын “Дэд бүтцийн төв”-үүд юм 2018.04.20
Хүүхдийн хүчирхийллийн эсрэг хууль тогтоомжийн хэрэгжилт, Засгийн газрын зүгээс хийгдсэн судалгаа, хэрэгжүүлж байгаа ажлын талаар асуулга тавилаа 2018.04.16
Хөдөлмөрийн тухай хуулийг хэлэлцэхийг дэмжлээ 2018.04.13
Зээлийн хүүг бууруулах асуудлын хүрээнд Засгийн газраас авч хэрэгжүүлж буй арга хэмжээний талаар асуулга тавилаа 2018.04.05
НҮБ-ын Эмэгтэйчүүдийн аж байдлын комиссын 62 дугаар чуулганд УИХ-ын эмэгтэй гишүүдийн төлөөлөл оролцож байна 2018.03.15
Өргөдлийн байнгын хорооны тогтоол бүтээн байгуулалтын ажилд хүндрэл учруулаагүй 2018.03.06
УИХ-ын Өргөдлийн байнгын хороо 2017 оны намрын ээлжит чуулганы хугацаанд хийсэн ажлаа танилцууллаа 2018.02.13
Засгийн газар ОУВС-тай хэлэлцээрт орлоо 2018.01.26
УИХ-ын байнгын хорооны ажлын хэсгийнхэн нийслэлд ажиллаж байна 2018.01.13